சலவை கடையில் பதுக்கி வைக்கப்பட்டிருந்த ரூ.5 கோடி.. லக்கி பாஸ்கர் பாணியில் வங்கி ஊழியர் செய்த பகீர் செயல்!

மகாராஷ்டிராவின் பந்தாரா மாவட்டம், தும்சர் பகுதியில் உள்ள இந்திரா நகரில் ஒரு  சலவக்கடை இயங்கி வருகிறது. இந்த கடையில் வங்கிக்கு சொந்தமான ரூ.5 கோடி பணம் பதுக்கி வைக்கப்பட்டுள்ளதாக பந்தாரா மாவட்ட போலீசாருக்கு ரகசிய தகவல் கிடைத்தது. இது என்ன, ஒரு துணி துவைக்கும் கடையில் 5 கோடி பணமா என ஆச்சரியமடைந்த போலீசார், சலவக்கடைக்கு சென்று சந்தேகத்தை உறுதிப்படுத்த சோதனை நடத்தினர். அந்த ரகசிய தகவலின்படி, துணி துவைக்கும் கடைக்குள் ரூபாய் நோட்டுகள் நிறைந்த ஒரு பெட்டி வைக்கப்பட்டிருந்தது. பணத்தை எண்ணியபோது, ​​அது ரூ.5 கோடி. உடனடியாக போலீசார் பணத்தை பறிமுதல் செய்தனர். பின்னர் பணம் எப்படி சலவக்கடைக்கு வந்தது என்று விசாரித்தனர்.

விசாரணையின் போது, ​​அந்தப் பணம் ஒரு பிரபலமான தனியார் வங்கியின் கிளையைச் சேர்ந்தது என்பது தெரியவந்தது. சிலர் ஒரு குறிப்பிட்ட தனியார் வங்கியின் கிளை மேலாளரிடம், ரூ.5 கோடி கொடுத்தால், குறிப்பிட்ட காலத்திற்குள் அதை ரூ.6 கோடியாக திருப்பித் தருவதாக உறுதியளித்தனர். இதன் காரணமாக, அவரும் லக்கி பாஸ்கர் பாணியில் பணத்தை கொடுக்கத் தயாராக இருந்தார். மேலும், வங்கி மேலாளர் வங்கியில் இருந்து ரூ.5 கோடியை எடுத்துக்கொண்டு பணத்தை வழங்கியதாகக் கூறப்படுகிறது.

இவ்வாறு கொடுக்கப்பட்ட பணம் ஒரு உலர் துப்புரவு கடையில் மறைத்து வைக்கப்பட்டிருந்ததாக, போலீசார் மீட்டபோது தெரியவந்தது. இந்த சம்பவம் தொடர்பாக ஒரு குறிப்பிட்ட தனியார் வங்கி கிளையின் மேலாளர் உட்பட 9 பேரை போலீசார் கைது செய்துள்ளனர். அவர்களிடம் தீவிரமாக விசாரணை நடத்தப்பட்டு வருகிறது. இந்த சம்பவம் குறித்து போலீசார் கூறியபோது, ​​"குறிப்பிட்ட தனியார் வங்கியின் மூத்த அதிகாரிகளுக்கு தகவல் தெரிவித்துள்ளோம். அதிகாரிகள் வந்தவுடன் அவர்களிடம் இருந்து கூடுதல் தகவல்கள் பெறப்படும்" என்று தெரிவித்தனர். உலர் துப்புரவு கடையில் இருந்து ரூ.5 கோடி பறிமுதல் செய்யப்பட்ட சம்பவம் மகாராஷ்டிராவில் பரபரப்பை ஏற்படுத்தியுள்ளது.

2025 புத்தாண்டு இந்த 6 நட்சத்திரத்தில் பிறந்தவங்களுக்கு தான் அதிர்ஷ்ட மழை!

மிஸ் பண்ணாதீங்க... தை மாதத்தின் சிறப்புகள், வழிபாடுகள்!

தை மாத ராசிபலன்கள்... எந்தெந்த ராசிக்காரர்களுக்கு ஏற்றம்?

செல்வத்தை செழிக்கச் செய்யும் தை மாத ஞாயிறு விரதம்!

தை வெள்ளிக்கிழமை... வாழ்க்கையில ஜெயிக்க இதை செய்ய மறக்காதீங்க!