தமிழகத்தில் 3 ஐபிஎஸ் அதிகாரிகள் அதிரடி மாற்றம் - திருச்சி புதிய காவல் ஆணையராக ரூபேஷ் குமார் மீனா நியமனம்!

தீபாவளிப் பண்டிகையை ஒட்டி, தமிழகத்தில் சட்டம்-ஒழுங்கு மற்றும் நிர்வாகப் பணிகளைக் கருத்தில்கொண்டு மூன்று ஐபிஎஸ் அதிகாரிகளை இடமாற்றம் செய்து தமிழக அரசு அதிரடி உத்தரவிட்டுள்ளது. தலைமைச் செயலக உள்துறை முதன்மைச் செயலாளர் கார்த்திக் இந்த உத்தரவை வெளியிட்டுள்ளார்.

சந்தோஷ் குமார் ஐபிஎஸ்: பொருளாதார குற்றப்பிரிவு ஐஜி-யாகப் பணியாற்றி வந்த சந்தோஷ் குமார் ஐபிஎஸ், தற்போது சென்னை சிவில் சப்ளை சிஐடி ஐஜி-யாக மாற்றம் செய்யப்பட்டுள்ளார். இவர் ரூபேஷ் குமார் மீனாவிற்குப் பதிலாக நியமிக்கப்பட்டுள்ளார்.

ரூபேஷ் குமார் மீனா ஐபிஎஸ்: சிவில் சப்ளை சிஐடி ஐஜி-யாக இருந்த ரூபேஷ் குமார் மீனா ஐபிஎஸ், தற்போது பதவி உயர்வுடன் திருச்சி மாநகர காவல் ஆணையராக நியமிக்கப்பட்டுள்ளார். இவர் என். காமினிக்குப் பதிலாகப் பணியமர்த்தப்பட்டுள்ளார்.

என். காமினி ஐபிஎஸ்: திருச்சி மாநகர காவல் ஆணையராகப் பணியாற்றி வந்த என். காமினி ஐபிஎஸ், தற்போது சென்னைக்கு மாற்றப்பட்டுள்ளார். இவர் சென்னை டிஜிபி அலுவலகத்தில் நிர்வாகப் பிரிவு ஐஜி-யாக நியமிக்கப்பட்டுள்ளார். இவர் ஏ.ராதிகா ஐபிஎஸ்-க்கு பதிலாக இந்தப் பொறுப்பை ஏற்கிறார்.

உடனடியாக அமலுக்கு வரும் வகையில் பிறப்பிக்கப்பட்டுள்ள இந்த ஐபிஎஸ் அதிகாரிகளின் அதிரடி இடமாற்ற உத்தரவு காவல்துறை வட்டாரத்தில் பெரும் பரபரப்பை ஏற்படுத்தியுள்ளது.