சமந்தா ஆண் குழந்தை தாயானார் ... 'தேவ் நிடிமோரு' என பெயர் சூட்டினர்!

 
சமந்தா

 

நடிகை சமந்தா – இயக்குநர் ராஜ் நிடிமோரு தம்பதிக்கு ஆண் குழந்தை பிறந்துள்ளது. தங்களது மகனுக்கு 'தேவ் நிடிமோரு' எனப் பெயர் சூட்டியுள்ளதாக சமந்தா சமூக வலைதளத்தில் மகிழ்ச்சியுடன் அறிவித்துள்ளார்.

ஆண் குழந்தை பிறந்தது

தென்னிந்திய திரையுலகில் முன்னணி நடிகையாக வலம் வருபவர் சமந்தா. தமிழ், தெலுங்கு படங்கள் மட்டுமின்றி இந்தி இணையத் தொடர்களிலும் நடித்து ரசிகர்களிடையே பிரபலமானவர்.

இவர் பிரபல இயக்குநர் ராஜ் நிடிமோருவை கடந்த ஆண்டு டிசம்பர் மாதம் கோவையில் உள்ள ஈஷா யோகா மையத்தில் திருமணம் செய்துகொண்டார். இந்தத் தம்பதிக்கு முதல் குழந்தையாக நேற்று (நவ. 19) ஆண் குழந்தை பிறந்துள்ளது.

Samantha Ruth Prabhu Welcomes Baby Boy Dev Nidimoru

குழந்தைக்கு 'தேவ் நிடிமோரு' என பெயர்

தங்களுக்கு ஆண் குழந்தை பிறந்த மகிழ்ச்சியான செய்தியை சமந்தா இன்று (நவ. 20) தனது இன்ஸ்டாகிராம் பக்கத்தில் புகைப்படத்துடன் பகிர்ந்துள்ளார். மேலும், குழந்தைக்கு 'தேவ் நிடிமோரு' எனப் பெயரிட்டுள்ளதாகவும் தெரிவித்துள்ளார்.

அந்தப் பதிவில், "எங்கள் அழகான ஆண் குழந்தை தேவ் நிடிமோரு. எங்கள் இதயங்கள் இதுவரை இல்லாத அளவுக்கு மகிழ்ச்சியில் நிறைந்துள்ளன" எனக் குறிப்பிட்டுள்ளார்.

சமந்தா – ராஜ் நிடிமோரு தம்பதிக்கு திரையுலகப் பிரபலங்கள் மற்றும் ரசிகர்கள் பலரும் வாழ்த்து தெரிவித்து வருகின்றனர்.