எஸ்பிஐ எச்சரிக்கை... போலி வேலை வாய்ப்பு மோசடியில் சிக்காதீங்க !

நாட்டின் மிகப்பெரிய பொதுத்துறை வங்கியான எஸ்பிஐ வங்கி வாடிக்கையாளர்களுக்கு தேவையான தகவல்களை வழங்கியுள்ளது. நீங்களும் பாரத ஸ்டேட் வங்கியின் வாடிக்கையாளராக இருந்தால், வங்கியின் இந்த சமீபத்திய அப்டேட்டைப் பற்றி நீங்கள் அறிந்திருக்க வேண்டும், இணைய பாதுகாப்பு குறித்து எச்சரிக்கையாக இருங்கள்.ஸ்டேட் பேங்க் ஆஃப் இந்தியா (S B I ) வாடிக்கையாளர்களை தங்கள் இணைய பாதுகாப்பை கவனித்துக்கொள்ளுமாறு கேட்டுக் கொண்டுள்ளது. நிறுவனம் தனது அதிகாரப்பூர்வ X தளத்தில் அதன் சமீபத்திய எச்சரிக்கையை பகிர்ந்துள்ளது.

இந்த அறிவிப்பில், போலி வேலை வாய்ப்பு மோசடிகளைத் தவிர்க்குமாறு வாடிக்கையாளர்களுக்கு வங்கி அறிவுறுத்தியுள்ளது. வாட்ஸ்அப் மூலம் எந்த வேலை வாய்ப்பையும் பெறுவதில் எச்சரிக்கையாக இருக்குமாறு வங்கி கேட்டுக் கொண்டுள்ளது.வாட்ஸ்அப் மூலம் எந்த வேலை வாய்ப்புக்கும் வாடிக்கையாளர்கள் பணம் செலுத்த வேண்டியதில்லை என்றும் வங்கி தெரிவித்துள்ளது. இது தவறான தகவலாக இருக்கலாம் என்றும் கூறியுள்ளது.

எந்தவொரு வேலை வாய்ப்பிற்கும் பணம் செலுத்தும் முன் சில முக்கியமான விஷயங்களை மனதில் வைத்துக் கொண்டால், மோசடிகளில் சிக்குவதைத் தவிர்க்கலாம் எனவும் வாட்ஸ்அப்பில் உங்களுக்கு வேலை வாய்ப்பு குறித்த தகவல் கிடைத்தால், இந்த விஷயங்களை மனதில் கொள்ளுங்கள் என்றும் எச்சரிக்கை விடுத்துள்ளது. வாட்ஸ்அப்பில் உங்களுக்கு வேலை வாய்ப்பு கிடைத்தால், முதலில் மெசேஜ் அனுப்பும் நபரின் அடையாளத்தைச் சரிபார்க்கவும்.வேலை வாய்ப்பைப் பெற்றவுடன் எந்த வகையான பாதுகாப்பு வைப்புத் தொகையையும் செலுத்தும்படி உங்களிடம் கேட்கப்பட்டால், அவ்வாறு செய்ய வேண்டாம். ஏதேனும் ஒரு புகழ்பெற்ற நிறுவனத்தின் பெயரில் பணம் எடுக்கப்பட்டால், அப்படிச் செய்யவே வேண்டாம், ஏனென்றால் புகழ்பெற்ற நிறுவனங்கள் ஒருபோதும் பணத்தை எடுப்பதில்லை.வாட்ஸ்அப்பில் ஃபார்வர்டு செய்யப்பட்ட எந்த செய்தியையும் நம்ப வேண்டாம், அது சரிபார்க்கப்படாத தளத்திலிருந்து வருகிறது என்பதை கவனத்தில் கொள்ளவும்.

ஸ்பேம் செய்திகளை முன்னனுப்புவதைத் தவிர்க்கவும் எனவும் இலவசப் பொருட்களைப் பற்றிய எந்தவொரு சலுகையையும் கண்டு ஏமாறாதீர்கள் என்றும் தெரிவித்துள்ளது.