சீமான் பின்னடைவு: பிரபல இயக்குநர் வருத்தம்!

தமிழக சட்டமன்றத் தேர்தலில் நாம் தமிழர் கட்சியின் தலைமை ஒருங்கிணைப்பாளர் சீமான், காரைக்குடி தொகுதியில் தொடர்ந்து பின்னடைவைச் சந்தித்து வருகிறார். மாநிலம் முழுவதும் உள்ள 234 தொகுதிகளிலும் நாம் தமிழர் கட்சி எதிர்பார்த்த வெற்றியைப் பெற முடியாமல் பின்தங்கியுள்ளது. இந்தத் தேர்தல் முடிவுகள் அரசியல் களத்தில் பெரும் விவாதத்தை ஏற்படுத்தியுள்ள நிலையில், திரைத்துறையைச் சேர்ந்த பிரபலங்கள் பலரும் இது குறித்துத் தங்களது கருத்துகளைத் தெரிவித்து வருகின்றனர்.

அந்த வகையில், 'சில்லுணு ஒரு காதல்' மற்றும் 'பத்து தல' உள்ளிட்ட வெற்றிப் படங்களை இயக்கிய பிரபல இயக்குநர் ஒபெலி என்.கிருஷ்ணா, சீமானின் பின்னடைவு குறித்துத் தனது எக்ஸ் தளத்தில் ஒரு பதிவைப் பகிர்ந்துள்ளார். அதில், காரைக்குடி தொகுதியில் அண்ணன் சீமான் பின்னடைவைச் சந்திப்பது தனது மனதிற்கு மிகுந்த வருத்தத்தை அளிப்பதாகக் குறிப்பிட்டுள்ளார். மக்கள் பிரச்சினைகளுக்காகத் தொடர்ந்து குரல் கொடுத்து வரும் சீமான், நிச்சயம் தமிழக சட்டமன்றத்திற்குள் சென்றிருக்க வேண்டும் என்பதே தனது விருப்பம் என்றும் அவர் அதில் உருக்கமாகத் தெரிவித்துள்ளார்.

காரைக்குடி தொகுதியில் தமிழக வெற்றிக் கழக வேட்பாளரை விடச் சுமார் 13,000-க்கும் அதிகமான வாக்குகள் வித்தியாசத்தில் சீமான் பின்தங்கியிருப்பது குறிப்பிடத்தக்கது. நாம் தமிழர் கட்சியின் இந்தத் தேர்தல் சரிவு அக்கட்சித் தொண்டர்களிடையே மாபெரும் சோகத்தை ஏற்படுத்தியுள்ள சூழலில், இயக்குநரின் இந்தப் பதிவு சமூக வலைதளங்களில் வைரலாகி வருகிறது. இன்னும் சில சுற்று வாக்குகள் மீதமுள்ள நிலையில், சீமானின் வாக்கு சதவீதம் அதிகரிக்குமா என்பதை அறிய அவரது ஆதரவாளர்கள் மிகுந்த எதிர்பார்ப்புடன் காத்துக்கொண்டிருக்கின்றனர்.