திருமணத்திற்குப் பிறகுதான் சொந்த வீடு கனவு நனவானது… மனம் திறந்த ஷாருக்கான்!
பாலிவுட் நடிகர் ஷாருக்கான், தனது வாழ்க்கைப் பயணத்தில் சொந்த வீடு வாங்கியது குறித்த சுவாரஸ்யமான நினைவுகளைப் பகிர்ந்துள்ளார். திருமணத்திற்கு முன்பு தனக்கென சொந்தமாக வீடு எதுவும் இல்லை என்றும், மனைவி கௌரியைத் திருமணம் செய்த பிறகுதான் அந்தக் கனவு நனவாகத் தொடங்கியது என்றும் அவர் தெரிவித்துள்ளார்.
சமீபத்திய பேட்டி ஒன்றில் பேசிய ஷாருக்கான், திருமணத்துக்குப் பிறகு முதலில் ஒரு வீட்டை வாங்கியதாகவும், பின்னர் மும்பையில் உள்ள புகழ்பெற்ற 'மன்னத்' பங்களாவைச் சொந்தமாக்கியதாகவும் கூறியுள்ளார். இந்த இரண்டு வீடுகளுமே அப்போது தங்களது பொருளாதார வசதிக்கு அப்பாற்பட்டதாக இருந்ததாகவும் அவர் நினைவுகூர்ந்துள்ளார்.
வாழ்க்கையில் எத்தனையோ ஏற்ற இறக்கங்களையும் கடினமான தருணங்களையும் சந்தித்தாலும், சொந்த வீட்டிற்குத் திரும்பும்போது கிடைக்கும் மனநிம்மதி தனித்துவமானது என்று அவர் நெகிழ்ச்சியுடன் குறிப்பிட்டுள்ளார்.திரையுலகில் உச்சத்தைத் தொட்ட ஷாருக்கானின் வாழ்க்கையில், குடும்பமும் சொந்த வீடும் எந்த அளவுக்கு முக்கியமானவை என்பதை அவரது இந்தப் பேச்சு வெளிப்படுத்தியுள்ளது.