கப்பல் மறுசுழற்சியில் உலகிலேயே முதலிடம் பிடித்து இந்தியா வரலாற்றுச் சாதனை !

சர்வதேச அளவில் பழைய கப்பல்களைப் பாதுகாப்பான முறையில் மறுசுழற்சி செய்வதில், இந்தியா உலக நாடுகளைப் பின்னுக்குத் தள்ளி  முதலிடத்தைப் பிடித்து  வரலாற்றுச் சாதனை படைத்துள்ளது. ஐக்கிய நாடுகளின் வர்த்தக மற்றும் மேம்பாட்டு அமைப்பான 'அன்க்டாட்' வெளியிட்டுள்ள புத்தம் புதிய அதிகாரப்பூர்வ அறிக்கையின்படி, உலகளாவிய கப்பல் மறுசுழற்சி சந்தையில் இந்தியாவின் பங்கானது 2025ம் ஆண்டில் 35.4 சதவீதமாக மிகக் கடுமையாக உயர்ந்துள்ளது. இதற்கு முந்தைய 2024ம் ஆண்டில் இது வெறும் 30.1 சதவீதமாக மட்டுமே இருந்தது என்பது குறிப்பிடத்தக்கது.

மத்திய அரசின்  கொள்கை சீர்திருத்தங்கள் காரணமாக, இந்தியாவில் கப்பல் மறுசுழற்சியானது 2.99 மில்லியன் கிராஸ் டன் அளவாக நாளுக்கு நாள் பிரம்மாண்ட வளர்ச்சி கண்டுள்ளது. கடந்த 2024ம் ஆண்டில் 1.86 மில்லியன் கிராஸ் டன்னாக இருந்த இந்த அளவு சுமார் 60 சதவீதம் வரை அசாத்திய உயர்வைக் கண்டு புதிய மைல்கல்லை எட்டியுள்ளது. இதன் மூலம் 'மேரிடைம் இந்தியா விஷன் 2030' திட்டத்தின் கீழ், உலகிலேயே முன்னணி கப்பல் மறுசுழற்சி நாடாக மாற வேண்டும் என்று அரசு நிர்ணயித்திருந்த இலக்கானது, மிகச் சரியாக 5 ஆண்டுகளுக்கு முன்பாகவே  வெற்றிகரமாக எட்டப்பட்டுள்ளது.

இந்த வரலாற்றுச் சிறப்புமிக்க வெற்றிக் கொண்டாட்டத்தின் போது மத்திய துறைமுகங்கள், கப்பல் போக்குவரத்து மற்றும் நீர்வழிப்பாதைகள் துறை அமைச்சர் சர்பானந்த சோனாவால் தங்களது உன்னதமான கருத்துக்களைப் பகிர்ந்துள்ளார். சர்வதேச சுற்றுச்சூழல் மற்றும் பாதுகாப்பு விதிமுறைகளைச் சரியாகப் பின்பற்றியதால் தான், கப்பல் மறுசுழற்சிக்கு உலகளாவிய மையமாக இந்தியா உருவெடுத்துள்ளது என பெருமிதத்துடன் விவரித்துள்ளார்.