புதுக்கோட்டையில் அதிர்ச்சி... 2வது மனைவியைக் கொலை செய்த காவலர் கைது!

புதுக்கோட்டை மாவட்டம், கறம்பக்குடி அருகே உள்ள கிராமத்தில் குடும்பத் தகராறு காரணமாகத் தன் மனைவியை காவல்துறை போலீசாரே அடித்துக் கொலை செய்ததாகக் கூறப்படும் சம்பவம் அப்பகுதியில் பெரும் அதிர்ச்சியையும் பரபரப்பையும் ஏற்படுத்தியுள்ளது.

புதுக்கோட்டை மாவட்டம், கறம்பக்குடி வட்டத்திற்கு உட்பட்ட பிலாவிடுதி கிராமத்தைச் சேர்ந்தவர் பிரபாகரன். இவர் காவல்துறையில் காவலராகப் பணியாற்றி வருகிறார். இவருக்குப் பிரபாகரன் தனது இரண்டாவது மனைவியுடன் குடும்பம் நடத்தி வந்துள்ளார்.

இந்நிலையில், இவர்களது குடும்ப வாழ்க்கையில் அடிக்கடி குடும்பத் தகராறுகளும் கருத்து வேறுபாடுகளும் ஏற்பட்டு வந்துள்ளன. சம்பவத்தன்று கணவன் மனைவிக்கு இடையே குடும்பப் பிரச்சினை தொடர்பாக மீண்டும் கடுமையான வாக்குவாதம் ஏற்பட்டுள்ளது. ஆத்திரம் தலைக்கேறிய காவலர் பிரபாகரன், தன் இரண்டாவது மனைவியைக் கொடூரமாகத் தாக்கியதாகக் கூறப்படுகிறது. இந்தத் தாக்குதலில் படுகாயமடைந்த அப்பெண் பரிதாபமாக உயிரிழந்தார்.

இது குறித்து தகவலறிந்த கறம்பக்குடி காவல்துறையினர் உடனடியாகச் சம்பவ இடத்திற்கு விரைந்து சென்று, உயிரிழந்த பெண்ணின் உடலைக் கைப்பற்றிப் பிரேத பரிசோதனைக்காக அரசு மருத்துவமனைக்கு அனுப்பி வைத்தனர். இச்சம்பவம் தொடர்பாகக் கொலை வழக்குப்பதிவு செய்துள்ள காவல்துறையினர், தற்காப்பு அல்லது வேறு ஏதேனும் முன்விரோதம் காரணமா என்பது குறித்து தீவிர விசாரணையை மேற்கொண்டு வருகின்றனர்.

சட்டம்-ஒழுங்கைப் பாதுகாக்க வேண்டிய ஒரு காவலரே தன் சொந்த மனைதியைக் கொலை செய்துள்ள இச்சம்பவம் புதுக்கோட்டை மாவட்ட மக்களிடையே பெரும் சோகத்தையும் அதிர்ச்சியையும் ஏற்படுத்தியுள்ளது.