காலையிலேயே அதிர்ச்சி... வணிக சிலிண்டர் கிடுகிடு உயர்வு!

ஒவ்வொரு மாதமும் முதல் தேதியில் சிலிண்டர் விலையை எண்ணெய் நிறுவனங்கள் மாற்றி அமைப்பது வழக்கம். அந்த வகையில், 2026-27 நிதியாண்டின் முதல் நாளான இன்று, வணிக பயன்பாட்டு சிலிண்டர் விலை கணிசமாக உயர்த்தப்பட்டுள்ளது.

சென்னையில் இன்றைய விலை பட்டியல்:

உலக அளவில் கச்சா எண்ணெய் மற்றும் இயற்கை எரிவாயுவின் விலை தொடர்ந்து அதிகரித்து வருவது இந்திய சந்தையில் எதிரொலித்துள்ளது. கடந்த மார்ச் மாதமே சென்னையில் வணிக சிலிண்டர் விலை ₹2,043.50 ஆக இருந்த நிலையில், இன்று ஒரே நாளில் ₹218 உயர்த்தப்பட்டுள்ளது ஹோட்டல் மற்றும் சிறு வணிகர்களுக்குப் பேரிடியாக அமைந்துள்ளது.

நடுத்தர மக்களுக்கு ஆறுதலாக, 14.2 கிலோ எடையுள்ள வீட்டு உபயோக சிலிண்டர் விலையில் இன்று மாற்றம் செய்யப்படவில்லை. கடந்த மார்ச் மாதம் உயர்த்தப்பட்ட ₹928.50 என்ற விலையிலேயே இன்றும் நீடிக்கிறது.

கள்ளச்சந்தை எச்சரிக்கை:

தற்போது சிலிண்டர்களுக்கு ஏற்பட்டுள்ள தட்டுப்பாட்டைப் பயன்படுத்தி, ஒரு சில இடங்களில் கள்ளச்சந்தையில் கூடுதல் விலைக்கு விற்கப்படுவதாகப் புகார்கள் எழுந்துள்ளன. இது போன்ற முறைகேடுகள் நடந்தால் பொதுமக்கள் 1915 என்ற எண்ணிற்குத் தொடர்பு கொண்டு புகாரளிக்கலாம் என அரசு தெரிவித்துள்ளது.