“உலகக் கோப்பைக்கு முன் இந்திய அணியைத் தயார்படுத்த வேண்டும்” - கேப்டன் சுப்மன் கில்

2027 ஒருநாள் உலகக் கோப்பை தொடருக்கு அணியை இப்போதே முழுமையாகத் தயார்படுத்த வேண்டியதன் அவசியத்தை இந்திய ஒருநாள் அணி கேப்டன் சுப்மன் கில் வலியுறுத்தியுள்ளார்.

உலகக் கோப்பை தொடர்: வரவிருக்கும் 2027 ஒருநாள் உலகக் கோப்பைத் தொடரானது தென் ஆப்பிரிக்கா, ஜிம்பாப்வே மற்றும் நமீபியா ஆகிய நாடுகளில் நடைபெற உள்ளது.

மூத்த வீரர்களான ரோகித் சர்மா மற்றும் விராட் கோலி உலகக் கோப்பையில் இடம்பெறுவார்களா என்ற கேள்விக்கு பதிலளித்த கில், அவர்கள் இருவரும் மிகச் சிறப்பாக விளையாடி வருவதாகவும், குறிப்பாக ரோகித் தனது கடந்த 4 இன்னிங்ஸ்களில் 3 சதங்களை விளாசியுள்ளதாகவும் பெருமிதத்துடன் குறிப்பிட்டார்.

உலகக் கோப்பைக்கு இன்னும் போதிய அவகாசம் இல்லாததால், இனி வீரர்களைப் பரிசோதித்துப் பார்க்கும் முறைகளைக் கைவிட்டு, உலகக் கோப்பையில் விளையாடத் தகுதியான முதன்மைக் கூட்டணியை இப்போதே உறுதியாக உருவாக்க வேண்டும் என கில் கேட்டுக்கொண்டுள்ளார்.