விருது விழாவில் நிலைதடுமாறி விழுந்த பிரபல நடிகை... வைரலாகும் அதிர்ச்சி வீடியோ!

தென்கொரியாவின் மிக உயரிய விருதாகக் கருதப்படும் ‘பெக்சாங் கலை விருதுகள்’ (Baeksang Arts Awards) வழங்கும் விழா அண்மையில் கோலாகலமாக நடைபெற்றது. இந்த விழாவில் கலந்துகொள்வதற்காகப் பல உலகப் புகழ்பெற்ற நட்சத்திரங்கள் சிவப்பு கம்பளத்தில் அணிவகுத்து வந்தனர். அப்போது, பிரபல தென்கொரிய நடிகை ஷின் ஹியூன் பின் (Shin Hyun-bin), தனது அழகான நீண்ட உடையை அணிந்து ஸ்டைலாக நடந்து வந்தபோது எதிர்பாராத விதமாக நிலைதடுமாறினார்.

shin hyunbeen fell down but she handled it so perfectly 🥹 pic.twitter.com/LfZcEcQv8f

— ْ (@pourlesjolies) May 8, 2026

சிவப்பு கம்பளத்தில் புகைப்படக் கலைஞர்களுக்குப் போஸ் கொடுக்க முயன்றபோது, அவரது உடையின் நீளமான பகுதி காலில் சிக்கியதால் அவர் அப்படியே மண்டியிட்டு கீழே விழுந்தார். இந்தச் சற்றும் எதிர்பாராத விபத்தால் ஒரு நொடி அந்த இடமே பரபரப்பானது. இருப்பினும், சற்றும் பதற்றமடையாத அவர், உடனடியாகப் புன்னகையுடன் எழுந்து நின்று சகஜமாகப் போஸ் கொடுத்தது அங்கிருந்தவர்களின் பாராட்டுகளைப் பெற்றது.

இந்தச் சங்கடமான தருணத்தை அங்கிருந்த கேமராக்கள் படம் பிடித்த நிலையில், அந்த வீடியோ தற்போது சமூக வலைதளங்களில் காட்டுத்தீயாகப் பரவி வருகிறது. அந்த நடிகையின் மன உறுதியையும், இக்கட்டான சூழலையும் அழகாகக் கையாண்ட விதத்தையும் அவரது ரசிகர்கள் வெகுவாகப் புகழ்ந்து வருகின்றனர். எவ்வளவு பெரிய நட்சத்திரமாக இருந்தாலும் இதுபோன்ற சிறிய தடுமாற்றங்கள் இயல்பானவை என்றும், அவர் அதைச் சமாளித்த விதம் ஒரு பாடம் என்றும் இணையவாசிகள் கமெண்ட் செய்து வருகின்றனர்.