கூட்டுறவு பொங்கல்... ரேஷன் கடைகளில் சிறப்பு மளிகை தொகுப்பு!

தமிழ்நாட்டில் பொங்கல் பண்டிகை சிறப்பாக கொண்டாடப்பட்டு வருகிறது.இதனை சிறப்பிக்கும் வகையில்  பொதுமக்களுக்கு கூட்டுறவு நிறுவனங்கள் மூலம் பொங்கல் தொகுப்பு விற்பனை செய்யப்படும் என தமிழ்நாடு அரசு அறிவித்துள்ளது.இது குறித்து வெளியிட்டுள்ள செய்திக்குறிப்பில்  சாதாரண பொங்கல் தொகுப்பு ரூ.199க்கும், சிறப்பு பொங்கல் தொகுப்பு ரூ.499க்கும், பெரும் பொங்கல் தொகுப்பு ரூ.999க்கும் விற்பனை செய்யப்படும் என உத்தரவு பிறப்பிக்கப்பட்டுள்ளது.  

இந்த பொங்கல் தொகுப்பானது கூட்டுறவு மொத்த பண்டக சாலைகள், பிரதம மந்திரி கூட்டுறவு பண்டக சாலைகளில் பரிசு தொகுப்பு விற்பனை செய்ய திட்டமிடப்பட்டுள்ளது.  கூட்டுறவு விற்பனை சங்கம், சில்லறை விற்பனை நிலையங்களில் பொங்கல் பரிசு தொகுப்பு விற்பனை செய்ய தமிழ்நாடு அரசு திட்டமிட்டுள்ளது.

இந்த பொங்கல் தொகுப்பில் பச்சரிசி, பாகு வெல்லம், ஏலக்காய் 5 கிராம், முந்திரி, ஆவின் நெய் 50 கிராம், பாசிபருப்பு 100 கிராம், உலா் திராட்சை   கொண்ட சிறிய பை ரூ.199க்கும், மஞ்சள் தூள், சா்க்கரை, துவரம் பருப்பு, கடலைப் பருப்பு, பாசிப் பருப்பு, உளுத்தம் பருப்பு, நீட்டு மிளகாய், தனியா, புளி, பொட்டுக்கடலை, மிளகாய் தூள், செக்கு கடலை எண்ணெய், கடுகு, சீரகம், மிளகு, வெந்தயம் உட்பட  20 பொருள்கள் ரூ.499க்கும், மஞ்சள் தூள், சா்க்கரை, துவரம் பருப்பு, கடலைப் பருப்பு, பாசிப் பருப்பு, உளுத்தம் பருப்பு, நீட்டு மிளகாய், தனியா, புளி, பொட்டுக்கடலை, மிளகாய் தூள், செக்கு கடலை எண்ணெய், கடுகு, சீரகம், மிளகு, வெந்தயம், வரகு, சாமை, தினை, ரவை போன்ற பொருள்களைச் சோ்த்து 35 பொருள்கள் ரூ.999க்கும் விற்பனை செய்யப்படும் என அறிவித்துள்ளது. அதே நேரத்தில்  இந்த தொகுப்புடன் மட்டும் அரை கிலோ நாட்டுச் சா்க்கரை இலவசமாக வழங்கப்படும் எனத் தெரிவிக்கப்பட்டுள்ளது.

கார்த்திகை ஸ்பெஷல்... சங்காபிஷேகம் விரதமுறை, பலன்கள்!

ஐயப்ப பக்தர்கள் தினசரி சொல்ல வேண்டிய ஸ்லோகம் இது தான்!

ஐயப்பன் பக்தர்கள் தெரிஞ்சிக்கோங்க ... சபரிமலை சுவாரஸ்யங்கள்!

கார்த்திகை மாத சிறப்புகள், பண்டிகைகள் , வழிபாடுகள்... முழு தகவல்கள்!