குஷியில் மாணவர்கள்... தமிழகத்தில் பள்ளி, கல்லூரிகளுக்கு 3 நாட்கள் தொடர் விடுமுறை!

கடைசி நேரம் வரையில் பரபரப்பையும், பதற்றத்தையும் ஏற்படுத்தாமல், முன்கூட்டியே தீபாவளிப் பண்டிகையை சொந்த பந்தங்களோடு கொண்டாட திட்டமிடும் வகையில், தமிழகத்தில் சனி, ஞாயிறு தீபாவளியையொட்டி திங்கட்கிழமையும் விடுமுறை என தொடர்ச்சியாக 3 நாட்கள் விடுமுறை வழங்கித் தமிழக அரசு உத்தரவிட்டுள்ளது பெரும் வரவேற்பையும், மாணவர்களிடையே மகிழ்ச்சியையும் ஏற்படுத்தியுள்ளது.

நவம்பர் 7 (சனிக்கிழமை): வாராந்திர விடுமுறை, நவம்பர் 8 (ஞாயிற்றுக்கிழமை): தீபாவளிப் பண்டிகை, நவம்பர் 9 (திங்கள்கிழமை) தீபாவளிக்கு மறுநாள் அரசு சிறப்பு விடுமுறை

மாணவர்கள், ஆசிரியர்கள் மற்றும் அவர்களின் குடும்பத்தினர் தங்களது சொந்த ஊர்களுக்குச் சென்று பண்டிகையைக் கொண்டாடிவிட்டுச் சிரமமின்றித் திரும்புவதற்காகப் பண்டிகைக்கு மறுநாளான நவம்பர் 9-ஆம் தேதியும் அரசு விடுமுறையாக அறிவிக்கப்பட்டுள்ளது. 

நவம்பர் 9-ஆம் தேதி திங்கள்கிழமை அளிக்கப்பட்ட விடுமுறையை ஈடுசெய்யும் வகையில், நவம்பர் 28-ஆம் தேதி சனிக்கிழமை அன்று தமிழ்நாட்டில் உள்ள அனைத்துப் பள்ளிகளும் முழு வேலைநாளாக இயங்கும் எனப் பள்ளிக் கல்வித்துறை தெளிவுபடுத்தியுள்ளது. 

தொடர் விடுமுறை அறிவிக்கப்பட்டதைத் தொடர்ந்து, சென்னை போன்ற பெருநகரங்களில் இருந்து தங்களது சொந்த ஊர்களுக்குச் செல்வதற்காகப் பொதுமக்கள் பேருந்து மற்றும் ரயில் பயண முன்பதிவுகளைத் தீவிரமாக மேற்கொண்டு வருகின்றனர்.