தமிழக பாஜக-வின் 'பெண் சக்தி' வியூகம் - 5 பெண் வேட்பாளர்களுக்கு வாய்ப்பு - நட்சத்திரப் பட்டியலின் முழு விபரம்!

 அதிமுக தலைமையிலான தேசிய ஜனநாயகக் கூட்டணியில் (NDA) இடம்பெற்றுள்ள பாஜக, நீண்ட ஆலோசனைக்குப் பிறகு தனது வேட்பாளர் பட்டியலை இன்று வெளியிட்டுள்ளது. இதில் அனுபவம் வாய்ந்த தலைவர்கள் மற்றும் பெண் வேட்பாளர்களுக்கு முக்கியத்துவம் அளிக்கப்பட்டுள்ளது.

பெண்களின் வாக்குகளைக் கவரும் வகையில், தமிழகத்தின் முக்கியத் தொகுதிகளில் 5 பெண் வேட்பாளர்களை பாஜக களம் இறக்கியுள்ளது:

1. மயிலாப்பூர்: Dr. தமிழிசை சௌந்தரராஜன் (முன்னாள் ஆளுநர்).

2. கோயம்புத்தூர் (வடக்கு): வானதி சீனிவாசன் (தற்போதைய எம்.எல்.ஏ).

3. விளவங்கோடு: S. விஜயதரணி (முன்னாள் காங்கிரஸ் எம்.எல்.ஏ).

4. மொடக்குறிச்சி: கீர்த்திகா சிவகுமார்.

5. அறந்தாங்கி: கவிதா ஸ்ரீகாந்த்.

இந்தத் தேர்தலில் தமிழக பாஜக தலைவர் அண்ணாமலை போட்டியிடவில்லை என்பது அக்கட்சித் தொண்டர்களிடையே ஆச்சரியத்தை ஏற்படுத்தியுள்ளது. மாநிலம் முழுவதும் உள்ள 234 தொகுதிகளிலும் கூட்டணிக் கட்சி வேட்பாளர்களை ஆதரித்துப் பிரசாரம் செய்ய வேண்டியிருப்பதாலும், கட்சியின் தேர்தல் ஒருங்கிணைப்புப் பணிகளைக் கவனிக்க வேண்டியிருப்பதாலும் அவர் தேர்தலில் போட்டியிடவில்லை எனத் தகவல்கள் தெரிவிக்கின்றன.

முக்கிய வேட்பாளர்கள் பட்டியல் (27 தொகுதிகள்):

(மற்றும் தளி-நாகேஷ்குமார், ஊட்டி-போஜராஜன், திருப்பூர் தெற்கு-தங்கராஜ், கந்தர்வக்கோட்டை-உதயகுமார், புதுக்கோட்டை-ராமச்சந்திரன், திருப்பத்தூர்-திருமாறன், திருச்செந்தூர்-ராதாகிருஷ்ணன், வாசுதேவநல்லூர்-அனந்தன் அய்யாசாமி, ராதாபுரம்-பாலகிருஷ்ணன், திருவாரூர்-கோவி சந்துரு, அறந்தாங்கி-கவிதா ஸ்ரீகாந்த், மானாமதுரை-பொன் பாலகணபதி, ராமநாதபுரம்-நாகேந்திரன், குளச்சல்-சிவக்குமார், பத்மநாபபுரம்-ரமேஷ், ராசிபுரம்-பிரேம்குமார், மொடக்குறிச்சி-கீர்த்திகா சிவகுமார் ஆகியோரும் பட்டியலில் இடம்பெற்றுள்ளனர்.)

பாஜக வேட்பாளர் பட்டியல் வெளியானதைத் தொடர்ந்து, வேட்பாளர்கள் அனைவரும் நாளை முதல் தங்களது தொகுதிகளில் பிரசாரத்தைத் தொடங்க உள்ளனர். குறிப்பாக, சென்னை மயிலாப்பூரில் தமிழிசை சௌந்தரராஜன் மற்றும் கோவையில் வானதி சீனிவாசன் ஆகியோரின் போட்டிகள் மிகுந்த எதிர்பார்ப்பை ஏற்படுத்தியுள்ளன.