தமிழக அமைச்சரவையில் விரைவில் மாற்றம் - பெண் அமைச்சர் உட்பட 3 அமைச்சர்களின் பதவியைப் பறிக்கத் திட்டம்!

தமிழக அமைச்சரவையில் விரைவில் அதிரடி மாற்றங்கள் செய்யப்பட உள்ளதாகத் தகவல்கள் வெளியாகியுள்ளன. சில அமைச்சர்களின் செயல்பாடு மற்றும் சர்ச்சைக்குரிய நடவடிக்கைகள் காரணமாக இந்த முடிவு எடுக்கப்பட்டுள்ளதாகக் கூறப்படுகிறது. புதிய அமைச்சரவையில் எம்.எல்.ஏ பல்லவிக்கு வாய்ப்பு வழங்கப்படும் என்று கூறப்படுகிறது.

மதுராந்தகம் மற்றும் தாராபுரம் ஆகிய சட்டமன்றத் தொகுதிகளுக்கான இடைத்தேர்தல் முடிவுகள் வெளியானதைத் தொடர்ந்து, தமிழக அமைச்சரவையில் அதிகாரப்பூர்வ மாற்றம் இருக்கும் என எதிர்பார்க்கப்படுகிறது. இதற்கான அறிவிப்பு அடுத்த வாரம் வெளியாகும் எனத் தகவல்கள் தெரிவிக்கின்றன.

சில அமைச்சர்களின் செயல்பாடுகள் மற்றும் துறைசார்ந்த பணிகள் திருப்திகரமாக இல்லை எனத் துறைச் செயலாளர்கள் நேரடியாக முதலமைச்சர் விஜய்க்குத் தகவல்களைத் தெரிவித்துள்ளனர். மேலும், சில அமைச்சர்களின் சர்ச்சைக்குரிய பேச்சுகளும் செயல்பாடுகளும் பொதுவெளியில் விமர்சனங்களை ஏற்படுத்தியிருந்தன.

இந்த அமைச்சரவை மாற்றத்தின் போது, ஒரு பெண் அமைச்சர் உள்பட மொத்தம் 3 அமைச்சர்களின் பதவிகள் பறிக்கப்பட வாய்ப்புள்ளதாக அரசியல் வட்டாரத்தில் பேசப்பட்டு வருகிறது.