வெள்ளிப் பதக்கம் வென்ற தமிழக வீராங்கனை கஸ்தூரி ராஜாமணிக்கு ரூ.50 லட்சம் ஊக்கத்தொகை - முதல்வர் விஜய் அறிவிப்பு!

ஜப்பானில் நடைபெற்று வரும் 5-வது பாரா ஆசிய விளையாட்டுப் போட்டிகளில் (Para Asian Games) மகளிருக்கான 67 கிலோ எடைப் பிரிவு வலுதூக்குதலில் வெள்ளிப் பதக்கம் வென்று தமிழகத்திற்குப் பெருமை சேர்த்த வீராங்கனை கஸ்தூரி ராஜாமணிக்குத் தமிழக முதலமைச்சர் விஜய் பாராட்டுத் தெரிவித்துள்ளார்.

சர்வதேச அளவில் நடைபெற்ற மாற்றுத்திறனாளிகளுக்கான பாரா ஆசிய விளையாட்டுப் போட்டியில் பங்கேற்றுள்ள தமிழகத்தைச் சேர்ந்த வீராங்கனை கஸ்தூரி ராஜாமணி, பெண்களுக்கான 67 கிலோ வலுதூக்குதல் பிரிவில் தனது சிறப்பான திறமையை வெளிப்படுத்தி வெள்ளிப் பதக்கத்தைக் கைப்பற்றி அசத்தியுள்ளார். உடல் தடையையும் தாண்டி அவர் நிகழ்த்திய இந்தச் சாதனை தேசத்திற்கும் தமிழகத்திற்கும் பெருமை சேர்த்துள்ளது.

பன்னாட்டு அரங்கில் பதக்கம் வென்று தமிழ்நாட்டின் புகழை உலகளவில் உயர்த்திய கஸ்தூரி ராஜாமணியின் விடாமுயற்சியையும் சாதனையைப் பாராட்டும் வகையில், தமிழ்நாடு அரசு சார்பில் ரூ.50 லட்சம் ஊக்கத்தொகை வழங்கப்படும் என முதலமைச்சர் விஜய் அறிவித்துள்ளார். மேலும், எதிர்காலத்தில் அவர் மேலும் பல சாதனைகளைப் படைக்க அரசு சார்பில் முழு ஆதரவு வழங்கப்படும் எனவும் வாழ்த்து தெரிவித்துள்ளார்.