டாலரை மாற்றி வர்த்தகம் செய்தால் 100 % வரி... டிரம்ப் பகிரங்க எச்சரிக்கை!

 
 டொனால்ட் ட்ரம்ப் அமெரிக்க அதிபராக நேற்று முன்தினம்  2 வது முறையாக பதவி ஏற்றுக் கொண்டார்.  தற்போது டிரம்ப் ஆரம்பம் முதலே பல்வேறு அதிரடி மாற்றங்களுக்கு கையெழுத்திட்டு வருகிறார். எந்த நாட்டு தலைவர்கள் என்ன நடவடிக்கை எடுத்தால் என்ன, அமெரிக்காவுக்கு மட்டுமே முன்னுரிமை என்ற நோக்கத்தில் அவரது அதிரடி முடிவுகள் அமைந்து அனைவரது வயித்திலும் புளியை கரைத்து  வருகின்றன.
 கொரோனா காலகட்டத்தில் சரிவர முன்னெச்சரிக்கை நடவடிக்கை அளிக்கவில்லை எனக் கூறி உலக சுகாதார அமைப்பில் இருந்து அமெரிக்கா வெளியேறுவதாக அறிவித்துள்ளார். மேலும்  பாரிஸ் ஒப்பந்தத்தில் இருந்தும் அமெரிக்காவை வெளியேற்றினார். சட்ட விரோத குடியேற்றத்தை தடுக்க எல்லை பகுதியில் அவசரநிலையை பிரகடனம் செய்தார்.  பனாமா கால்வாய் திரும்ப பெறப்படும் என அறிவித்துள்ளார்.  

இவ்வாறு பல்வேறு அதிரடி மாற்றங்கள் வந்திருக்கும் நிலையில்  தற்போது இந்தியாவுக்கும் சேர்த்து ஓர் எச்சரிக்கை பதிவை கூறியுள்ளார். அதாவது, உலக வர்த்தகத்தில் அமெரிக்கா டாலரை தவிர்த்து வேறு நாட்டு பணத்தின் அடிப்படையில் வர்த்தகம் மேற்கொள்ளப்பட்டு வந்தால் அந்த நாடுகள் மீது அமெரிக்க வார்த்தக ரீதியில் கடும் நடவடிக்கை எடுக்கப்படும் என தெரிவித்துள்ளார்.  
பிரிக்ஸ் அமைப்பில் உள்ள உறுப்பு நாடுகள் அமெரிக்க டாலரை தவிர்த்து வேறு நாட்டின் பணத்தின் அடிப்படையில் வர்த்தகம் மேற்கொள்ள நடவடிக்கை எடுத்தாலோ, அமெரிக்க டாலரின் மதிப்பை குறைக்க வேறு நடவடிக்கை எடுத்தாலோ அந்த நாட்டிற்கு அமெரிக்காவில் வர்த்தகம் செய்ய 100% வரி விதிக்கப்படும். இல்லையெனில்  அவர்கள் அமெரிக்க வர்த்தகத்தில் இருந்து வெளியேற்றப்படுவார்கள். அமெரிக்க டாலரின் மதிப்பை குறைக்கும் நடவடிக்கையை அமெரிக்கா பொறுத்துக்கொள்ளாது. ” என டிரம்ப் எச்சரிக்கை விடுத்துள்ளார்.  

அதே போல, “பிரிக்ஸ் நாட்டை தவிர்த்து மற்ற நாடுகளும் அமெரிக்க டாலரின் மதிப்பை குறைக்கும் நடவடிக்கையில் ஈடுபட்டால் அந்த நாட்டிற்கும் அமெரிக்க வர்த்தகத்தில்  ஈடுபடும்போது கூடுதல் வரிகள் விதிக்கப்படும். ” மேலும் பிரிக்ஸ் மாநாட்டில், இந்தியா, ரஷ்யா, சீனா, பிரேசில், தென்னாப்பிரிக்கா, எகிப்து, எத்தியோப்பியா, இந்தோனேசியா, ஈரான் மற்றும் துபாய் ஆகிய நாடுகள் உள்ளன . இதில் ரஷ்யா மற்றும் சீனா நாடுகள் அமெரிக்க டாலரை தவிர்த்து தங்கள் நாட்டின் பணத்தில் வர்த்தகம் மேற்கொள்ள சில பொருளாதார முயற்சிகளில் ஈடுபட்டு வருகிறது என்பது குறிப்பிடத்தக்கது.
இது குறித்து  இந்திய வெளியுறவுத் துறை அமைச்சர் ஜெய்ஷங்கர், ” உலக வர்த்தகத்தில் அமெரிக்க டாலரை மாற்றும் நடவடிக்கையிலோ, அமெரிக்க டாலரின் மதிப்பை குறைக்கும் நடவடிக்கைகளிலோ இந்தியா ஒருபோதும் ஈடுபடவில்லை” என தெரிவித்திருந்தார்.  

2025 புத்தாண்டு இந்த 6 நட்சத்திரத்தில் பிறந்தவங்களுக்கு தான் அதிர்ஷ்ட மழை!

மிஸ் பண்ணாதீங்க... தை மாதத்தின் சிறப்புகள், வழிபாடுகள்!

தை மாத ராசிபலன்கள்... எந்தெந்த ராசிக்காரர்களுக்கு ஏற்றம்?

செல்வத்தை செழிக்கச் செய்யும் தை மாத ஞாயிறு விரதம்!

தை வெள்ளிக்கிழமை... வாழ்க்கையில ஜெயிக்க இதை செய்ய மறக்காதீங்க!