டிசிஎஸ் நிறுவனத்தில் ஆட்சேர்ப்பு அறிவிப்பு - ஜூலை 22 கடைசி நாள்!

இந்தியாவின் முன்னணி தகவல் தொழில்நுட்ப நிறுவனமான டாடா கன்சல்டன்சி சர்வீசஸ், இளம் பட்டதாரி மாணவர்களுக்காக 'TCS B.Sc Ignite' என்ற சிறப்பான வேலைவாய்ப்பு மற்றும் பயிற்சித் திட்டத்தை அதிகாரப்பூர்வமாக அறிவித்துள்ளது.

யாரெல்லாம் விண்ணப்பிக்கலாம்: 2026 ஆம் ஆண்டில் தங்களது இளங்கலை அறிவியல் (B.Sc - கணினி அறிவியல், தகவல் தொழில்நுட்பம், கணிதம், புள்ளியியல், இயற்பியல், வேதியியல், மின்னணுவியல் போன்ற பிரிவுகள்) அல்லது கணினி பயன்பாட்டியல் படிப்பை முடிக்கவிருக்கும் இறுதி ஆண்டு மாணவர்கள் இத்திட்டத்திற்கு விண்ணப்பிக்கத் தகுதியானவர்கள் ஆவர்.

வயது வரம்பு: விண்ணப்பதாரர்கள் 18 முதல் 28 வயதுக்குட்பட்டவர்களாக இருக்க வேண்டும்.

விண்ணப்பிக்கும் முறை மற்றும் முக்கியத் தேதிகள்
தகுதியும் ஆர்வமும் உள்ள தகுதிவாய்ந்த மாணவர்கள் டிசிஎஸ் நிறுவனத்தின் அதிகாரப்பூர்வ இணையப் பக்கமான 'NextStep' போர்ட்டலில்  ஆன்லைன் மூலமாகத் தங்களது பெயர்களைப் பதிவு செய்து விண்ணப்பிக்கலாம்.

விண்ணப்பிக்கக் கடைசி நாள்: வரும் ஜூலை 22, 2026

தேர்வு நடைபெறும் நாள்: விண்ணப்பித்த மாணவர்களுக்கான எழுத்துத் தேர்வு வரும் ஆகஸ்ட் 26, 2026 அன்று நாடு முழுவதும் உள்ள பல்வேறு தேர்வு மையங்களில் நேரடியாக நடத்தப்படும்.

இந்த 'Ignite' திட்டத்தின் கீழ் நடத்தப்படும் தேர்வுகளில் பங்கேற்றுத் தேர்வாகும் மாணவர்களுக்கு டிசிஎஸ் நிறுவனம் பல அரிய சலுகைகளை வழங்குகிறது.

தேர்வாகும் இளங்கலை பட்டதாரிகளுக்கு ஐடி துறையில் தற்பொழுது அதிக வரவேற்பைப் பெற்றுள்ள செயற்கை நுண்ணறிவு , கிளவுட் கம்ப்யூட்டிங், சைபர் செக்யூரிட்டி போன்ற உலகத்தரம் வாய்ந்த நவீன தொழில்நுட்பங்களில் டிசிஎஸ் நிறுவனமே முழுமையான கட்டணமில்லாப் பயிற்சியை வழங்கும்.

பணியில் சேர்ந்துகொண்டே இந்தியாவின் முன்னணிப் பல்கலைக்கழகங்களில் ஏதேனும் ஒன்றில் தங்களது முதுகலைப் பட்டப் படிப்பை பகுதிநேரமாகத் தொடர்வதற்கான முழு வாய்ப்பையும், அதற்கான கல்விச் செலவையும் டிசிஎஸ் நிறுவனமே ஏற்கும் என்பது இதன் கூடுதல் சிறப்பம்சமாகும்.

கணினி மற்றும் தொழில்நுட்பத் துறையில் தங்களது எதிர்காலத்தை வலுவாகத் தொடங்க நினைக்கும் அறிவியல் பிரிவு மாணவர்களுக்கு இந்த டிசிஎஸ் இக்னைட் திட்டம் ஒரு மிகச்சிறந்த நுழைவுவாயிலாக அமையும்.