சினிமா பாணியில் பயங்கர சேஸிங்.. அசுர வேகத்தில் சென்ற கண்டெய்னர் லாரி.. உள்ளே பார்த்து ஷாக் ஆன போலீசார்!

நாமக்கல் மாவட்டம் குமாரபாளையம் பகுதியில் 2 கார்கள், 4 இருசக்கர வாகனங்களை இடித்து தள்ளி அசுர வேகத்தில் வடமாநில கன்டெய்னர் லாரி ஒன்று நிற்காமல் சென்றுள்ளது. இதுகுறித்து போலீசாருக்கு தகவல் தெரிவிக்கப்பட்டது. இதையடுத்து சினிமா பாணியில் கண்டெய்னர் லாரியை போலீசார் விரட்டிச் சென்றனர். இதை பொருட்படுத்தாமல் கன்டெய்னர் லாரியை அசுர வேகத்தில் ஓட்டிக்கொண்டு தப்பியோட முயன்றனர்.

போலீசாரும் பல்வேறு வாகனங்களில் துரத்திச் சென்றனர். சுமார் 30 இருசக்கர வாகனங்களில் வந்தவர்கள் லாரியை துரத்திச் சென்றனர். இதனால் அப்பகுதியே பரபரப்பாக மாறியது. இதையடுத்து சன்னியாசிபட்டி பகுதியில் கண்டெய்னர் லாரி நிறுத்தப்பட்டது. அப்போது, ​​வாகனத்தில் வந்த 5க்கும் மேற்பட்ட குண்டர் கும்பல், போலீசார் மீது கற்களை வீசி தாக்குதல் நடத்தினர். பின்னர், தற்காப்புக்காக 2 பேரை துப்பாக்கியால் சுட்டனர். இதில், ஒருவர் சிக்கினார். மற்றொருவர் மருத்துவமனையில் சிகிச்சை பெற்று வருகிறார். மேலும் 4 பேர் கைது செய்யப்பட்டுள்ளனர். ஒருவர் தப்பியோடிவிட்டார். இரண்டு போலீசார் படுகாயம் அடைந்து மருத்துவமனையில் சிகிச்சை பெற்று வருகின்றனர்.

இது தொடர்பாக கேரள மாநிலம் திருச்சூர் பகுதியில் போலீசார் நடத்திய விசாரணையில் இன்று அதிகாலை 3 மணியளவில் எஸ்பிஐ ஏடிஎம் மையங்களில் காஸ் கட்டர் மூலம் 65 லட்சம் ரூபாய் கொள்ளையடிக்கப்பட்டது. இந்த பணத்தை 6 கும்பல் காரில் பதுக்கி வைத்து கண்டெய்னர் லாரியில் ஏற்றியுள்ளனர். இந்த கும்பல் நாமக்கல் பகுதிக்கு வந்தபோது விபத்து ஏற்பட்டு லாரியை நிறுத்தினால் சிக்கி விடுவோம் என எண்ணி தொடர்ந்து பயணம் செய்தனர். அப்போது அதிகாரிகள் லாரியை மடக்கி பிடித்தது தெரியவந்தது.

இந்த கொள்ளை சம்பவம் தொடர்பாக தேசிய நெடுஞ்சாலையில் உள்ள மாவட்டங்களை திருச்சூர் போலீசார் உஷார்படுத்தியுள்ளனர். அந்த ஆய்வின்போது நாமக்கல் சுங்கச்சாவடியில் லாரி வந்தபோது நிற்காமல் சென்றுவிட்டனர். இதனால் அடுத்தடுத்து தகவல் பரிமாறப்பட்டு லாரி பிடிபட்டது. இதையடுத்து, பறிமுதல் செய்யப்பட்ட கண்டெய்னர் லாரியில் பணம் ஏற்றிச் செல்லப்பட்டதும், லாரிக்குள் கார் ஒன்றும் இருப்பதும் தெரியவந்தது.

புரட்டாசி மாதத்தில் இத்தனை சிறப்புகளா? என்னென்ன வழிபாடுகள், பலன்கள் தெரியுமா?

செல்வம் நிலைத்திருக்க புரட்டாசி சனிக்கிழமை வழிபாடு, பலன்கள்!

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

புரட்டாசி மாதத்தில் ஏன் அசைவம் சாப்பிடக்கூடாது ... விஞ்ஞான விளக்கம்!