தைவான் நாட்டில் உள்நாட்டில் தயாரிக்கப்பட்ட முதல் ராக்கெட் சோதனை தோல்வி!

தைவான் நாட்டில் உள்நாட்டிலேயே தயாரிக்கப்பட்ட முதல் ராக்கெட்டின் சோதனை முயற்சி தோல்வியில் முடிந்துள்ளது. நாட்டின் விண்வெளி மற்றும் பாதுகாப்புத் துறையில் பெரும் எதிர்பார்ப்பை ஏற்படுத்தியிருந்த இந்தச் சோதனை தோல்வியடைந்தது அப்பகுதியில் பரபரப்பை ஏற்படுத்தியுள்ளது. இந்தச் சோதனையின் போது ஏற்பட்ட திடீர் தொழில்நுட்பக் கோளாறு பொதுமக்களை அச்சத்தில் ஆழ்த்தியுள்ளது.

கடந்த 19-ஆம் தேதி ஏவப்பட்ட இந்த ராக்கெட், புறப்பட்ட சில நிமிடங்களிலேயே தனது கட்டுப்பாட்டை இழந்துள்ளது. அதன் வழக்கமான பாதையிலிருந்து மாறி அருகில் இருந்த கிராமங்களை நோக்கி பாய்ந்து சென்று விழுந்து நொறுங்கியுள்ளது. இதனால் எதிரி நாடுகளின் ஏவுகணை தாக்குதல் ஏதேனும் நடைபெற்றுவிட்டதோ என்று அஞ்சி பொதுமக்கள் அலறியடித்து ஓடினர்.

அதிர்ஷ்டவசமாக இந்த ராக்கெட் ஆள்நடமாட்டமில்லாத மலைப்பகுதியில் விழுந்ததால் பெரும் உயிர்ச்சேதம் தவிர்க்கப்பட்டுள்ளது. இருப்பினும், உள்நாட்டில் தயாரிக்கப்பட்ட ராக்கெட்டின் பாதுகாப்புத் தன்மை குறித்து தற்போது பலரும் கேள்வி எழுப்பி வருகின்றனர். இந்த விபத்துக்கான உண்மையான காரணம் குறித்து வல்லுநர்கள் தீவிர விசாரணை நடத்தி வருகின்றனர்.