"தமிழகத்தில் 23-ம் புலிகேசி ஆட்சி நடக்குது... மாத்திரை நசுக்கிய அமைச்சர் மீது ஏன் நடவடிக்கை இல்லை?” - டிடிவி தினகரன் ஆவேசம்!

அம்மா மக்கள் முன்னேற்றக் கழகத்தின் பொதுச்செயலாளர் டிடிவி தினகரன், சென்னையில் ஆளுநரை நேரில் சந்தித்த பிறகு செய்தியாளர்களைச் சந்தித்துப் பேசுகையில், தற்போதைய ஆட்சி நிர்வாகத்தைச் கடுமையாக விமரிசித்துள்ளார்.

"அன்பில் மகேஷ் ஊழல் செய்ததாகக் கைது செய்யப்பட்ட நிலையில், மாத்திரை நசுக்கிய அமைச்சர் மீது இதுவரை ஏன் எந்த நடவடிக்கையும் எடுக்கவில்லை?" என அவர் கேள்வி எழுப்பினார்.

தமிழகத்தைத் தனியார்மயமாக்க முயற்சிகள் நடப்பதாகவும், அமைச்சர்கள் பலர் பெருமளவில் சொத்து சேர்த்து வருவதாகவும் சாடிய அவர், ஆதாரங்களை உறுதிப்படுத்தி ஆளுநரிடம் விரைவில் விரிவான மனு அளிக்கவுள்ளதாகத் தெரிவித்தார்.

மாநிலம் முழுவதும் அத்தியாவசியப் பொருட்களின் விலை விண்ணைத் தொடும் அளவுக்கு உயர்ந்துள்ளது என்றும், உண்மை பேசும் கலையரசன் போன்றவர்களை சினிமாவில் மிரட்டுவது போல மிரட்டிப் பார்க்கிறார்கள் என்றும் குற்றம் சாட்டினார்.

பணவீக்கம் அதிகரிப்பு, தொழிற்சாலைகள் பிற மாநிலங்களுக்குத் தப்பிச் செல்லுதல் மற்றும் இளைஞர்களுக்கான வாக்குறுதிகள் நிறைவேற்றப்படாமை ஆகியவற்றைக் குறிப்பிட்டு, "தமிழகத்தில் 23-ம் புலிகேசி ஆட்சி நடக்கிறது; சுத்தமாக நிர்வாகத் திறமையே இல்லை, போகிற வேகத்தில் இந்த ஆட்சி தானாகவே விழுந்துவிடும்" எனத் தெரிவித்தார்.