தமிழகத்தில் வேட்பு மனுக்களை வாபஸ் பெற அவகாசம் நிறைவு.. சுயோட்சைகளுக்கு சின்னம் ஒதுக்கீடு!

 தமிழக சட்டமன்றத் தேர்தலுக்கான மிக முக்கியமான கட்டமான வேட்பு மனுக்கள் வாபஸ் பெறும் நடைமுறை இன்று மாலை 3 மணியுடன் நிறைவடைந்தது. இதனால் 234 தொகுதிகளிலும் களத்தில் இருக்கும் வேட்பாளர்களின் இறுதி எண்ணிக்கை தற்போது தெரியவந்துள்ளது.

தமிழகம் முழுவதும் 234 தொகுதிகளில் மொத்தம் 7,599 வேட்பு மனுக்கள் தாக்கல் செய்யப்பட்டிருந்தன. கடந்த ஏப்ரல் 7-ம் தேதி நடைபெற்ற தீவிரப் பரிசீலனையில், பல்வேறு காரணங்களுக்காக 2,467 மனுக்கள் நிராகரிக்கப்பட்டன. பரிசீலனைக்குப் பிறகு 5,132 மனுக்கள் செல்லுபடியாகும் என அறிவிக்கப்பட்ட நிலையில், இன்று வாபஸ் பெற்றவர்கள் போக எஞ்சியிருப்பவர்களே இறுதிப் பட்டியலில் இடம்பெறுவர்.

அதிமுக பொதுச்செயலாளர் எடப்பாடி பழனிசாமி போட்டியிடும் எடப்பாடி தொகுதியில், தமிழக வெற்றிக் கழகம் சார்பில் நிறுத்தப்பட்ட வேட்பாளர் மற்றும் அவருக்கு மாற்றாகத் தாக்கல் செய்த மாற்று வேட்பாளர் என இருவரது மனுக்களும் தள்ளுபடி செய்யப்பட்டன. இதன் காரணமாக, தமிழக வெற்றிக் கழகம் தமிழகத்தில் உள்ள 234 தொகுதிகளில் 233 தொகுதிகளில் மட்டுமே போட்டியிடுகிறது. வேட்பு மனுக்கள் வாபஸ் பெறப்பட்டதைத் தொடர்ந்து, இன்று மாலை அதிகாரப்பூர்வமான இறுதி வேட்பாளர் பட்டியல் அந்தந்தத் தேர்தல் நடத்தும் அலுவலர்களால் வெளியிடப்படும்.

அங்கீகரிக்கப்பட்ட அரசியல் கட்சிகள் தவிர்த்து, சுயேச்சை வேட்பாளர்களாகக் களமிறங்குபவர்களுக்குப் படகுகள், கிரிக்கெட் மட்டை, விவசாயி போன்ற சுயேச்சை சின்னங்கள் இன்று மாலையே ஒதுக்கப்பட உள்ளன.

எண்ணிக்கை