திமுகவின் வளர்ப்பு சரியில்லை... அமைச்சர் மரிய வில்சன் கண்டனம்!

முதலமைச்சர் விஜய் குறித்துத் திமுக எம்.எல்.ஏ-க்கள் மற்றும் முன்னாள் அமைச்சர்கள் தொடர்ந்து சர்ச்சைக்குரிய வகையில் பேசி வருவதற்கு, தமிழக நிதி அமைச்சர் மரிய வில்சன் கடும் கண்டனம் தெரிவித்துள்ளார்.

சென்னை ஆர்.கே. நகர் தொகுதியில் மேற்கொள்ளப்பட்டு வரும் பல்வேறு நலத்திட்டங்கள் மற்றும் குறைதீர் முகாம்களைப் பார்வையிட்ட பின்னர் செய்தியாளர்களைச் சந்தித்த அமைச்சர் மரிய வில்சன், திமுகவினரின் பேச்சை விமர்சித்துப் பேசினார்.

“கீழ்த்தரமான வார்த்தைகளைப் பயன்படுத்திப் பேசுவதையே 'திராவிட மாடல்' அவர்களுக்குக் கற்றுக்கொடுத்திருக்கிறது; திமுகவின் வளர்ப்பு முறையே சரியில்லை” எனச் சாடினார். மக்கள் பிரதிநிதிகளாக இருப்பவர்கள் மிகவும் பொறுப்புணர்வோடு பேச வேண்டும் என்றும், முன்னாள் அமைச்சர்கள் உள்ளிட்ட சிலர் தரங்கெட்ட வார்த்தைகளைப் பேசுவது நல்லதல்ல என்றும் அவர் வலியுறுத்தினார்.

திமுக தலைவர்கள் தொடர்ந்து முதலமைச்சரை ஏளனமாகவும் அச்சுறுத்தும் வகையிலும் பேசி வருவதை மக்கள் உன்னிப்பாகக் கவனித்துக் கொண்டிருக்கிறார்கள் என்று அவர் சுட்டிக்காட்டினார். இத்தகைய நாகரிகமற்ற பேச்சுகளுக்குத் வரவிருக்கும் தேர்தல்களில் தமிழ்நாட்டு மக்களே அவர்களுக்குச் சரியான பாடம் புகட்டுவார்கள் என்றும் அமைச்சர் மரிய வில்சன் எச்சரித்தார்.