இனி கூடுதலாக 5 முதல் 7 சிலிண்டர்கள் வரை பெறலாம் - மத்திய அரசு அறிவிப்பு!

நாடு முழுவதும் சமையல் எரிவாயு விநியோகம் எவ்வித இடையூறும் இன்றி தடையின்றித் தொடரும் என மத்திய அரசு தெளிவுபடுத்தியுள்ளது. குறிப்பாகத் திருமண சீசன் மற்றும் கோடைக்காலப் பண்டிகைகளை முன்னிட்டு எரிவாயு தேவை அதிகரித்துள்ளதை ஈடுகட்ட எண்ணெய் நிறுவனங்கள் சிறப்பு ஏற்பாடுகளைச் செய்துள்ளன.

கூடுதல் சிலிண்டர் பெறுவது எப்படி?

வீட்டு உபயோக சிலிண்டர்களுக்கு ஒரு குறிப்பிட்ட வரம்பு இருந்தாலும், விசேஷக் காரணங்களுக்காகக் கூடுதல் சிலிண்டர்கள் தேவைப்படுவோருக்கு மத்திய அரசு சில சலுகைகளை வழங்கியுள்ளது: திருமண விசேஷங்கள் போன்ற சுப நிகழ்ச்சிகளுக்காக வழக்கமான ஒதுக்கீட்டிற்கு மேல் கூடுதலாக 5 முதல் 7 சிலிண்டர்கள் வரை தேவைப்பட்டால், திருமண அழைப்பிதழ் போன்ற உரிய ஆவணங்களைச் சமர்ப்பித்து அவற்றைப் பெற்றுக்கொள்ளலாம்.

பண்டிகைக் காலங்களில் ஏற்படும் தட்டுப்பாட்டைத் தவிர்க்க எண்ணெய் நிறுவனங்கள் ஏற்கனவே போதுமான இருப்பைச் சேமித்து வைத்துள்ளன. எரிவாயு விநியோகஸ்தர்கள் நிர்ணயிக்கப்பட்ட விலையை விடக் கூடுதலாகக் கட்டணம் கோரினால் அல்லது சிலிண்டர் வழங்கத் தாமதம் செய்தால், பொதுமக்கள் உடனடியாகச் சம்பந்தப்பட்ட எண்ணெய் நிறுவனத்தின் புகார் எண்கள் அல்லது இணையதளத்தில் புகார் அளிக்கலாம் என அறிவுறுத்தப்பட்டுள்ளது.

இந்த அறிவிப்பு கோடைக்காலத்தில் திருமணங்களை நடத்தத் திட்டமிட்டுள்ள குடும்பங்களுக்கு மிகப்பெரிய நிம்மதியைத் தந்துள்ளதாகப் பார்க்கப்படுகிறது.