*தமிழக அரசின் இலவச UPSC சிவில் சர்வீசஸ் பயிற்சிக்கு விண்ணப்பங்கள் வரவேற்பு - அக்.20 கடைசி தேதி!

மத்திய அரசுப் பணியாளர் தேர்வாணையம் (UPSC) நடத்தும் 2027-ஆம் ஆண்டிற்கான சிவில் சர்வீசஸ் முதல்நிலைத் தேர்வுப் பயிற்சிக்காக அகில இந்திய குடிமைப் பணிகள் பயிற்சி மையம் மற்றும் தமிழ்நாடு நான் முதல்வன் போட்டித் தேர்வுகள் திட்டம் இணைந்து சேர்க்கை அறிவிப்பை வெளியிட்டுள்ளன.

சென்னை மையம்த்தில் முழுநேரப் பயிற்சி – 225 இடங்கள்; பகுதிநேரப் பயிற்சி – 100 இடங்கள். மதுரை மையம்: முழுநேரப் பயிற்சி – 100 இடங்கள். கோயம்புத்தூர் மையம்: முழுநேரப் பயிற்சி – 100 இடங்கள். விண்ணப்பிக்கக் கடைசி நாள்: அக்டோபர் 20, 2026.

முதற்கட்ட தேர்வுப் பட்டியல் வெளியீடு: அக்டோபர் 22, 2026.

கலந்தாய்வு மற்றும் சான்றிதழ் சரிபார்ப்பு: அக்டோபர் 25 முதல் அக்டோபர் 27, 2026 வரை (சென்னை "காஞ்சி" வளாகத்தில் நடைபெறுகிறது). வகுப்புகள் தொடங்கும் நாள்: அக்டோபர் 28, 2026.

கடந்த செப்டம்பர் 6, 2026 அன்று தமிழ்நாடு திறன் மேம்பாட்டுக் கழகம் நடத்திய மதிப்பீட்டுத் தேர்வில் பங்கேற்று, மதிப்பெண் பட்டியலில் இடம்பெற்றுள்ள மாணவர்கள் மட்டுமே இந்தப் பயிற்சிக்கு விண்ணப்பிக்கத் தகுதியுடையவர்கள். தகுதியுடைய நபர்கள் www.civilservicecoaching.com](http://www.civilservicecoaching.com என்ற அதிகாரப்பூர்வ இணையதளம் வாயிலாக மட்டுமே விண்ணப்பிக்க முடியும். 

தரவரிசை மற்றும் அரசின் இடஒதுக்கீட்டு விதிகளின் அடிப்படையில் விண்ணப்பதாரர்கள் கலந்தாய்வுக்கு அழைக்கப்படுவர். முழுநேரப் பயிற்சிக்குத் தேர்வாகும் மாணவர்களுக்கு இலவசப் பயிற்சி, தங்குமிடம் மற்றும் உணவு இலவசமாக வழங்கப்படும் எனக் குறிப்பிடப்பட்டுள்ளது.