திமுக ஆட்சியின் அவலம்... கஞ்சா போதையில் வெறிச்செயல்... முதியவர் அடித்துக் கொலை!

சேலம் மாவட்டம் மேட்டூர் அருகே, கஞ்சா போதையில் இருந்த ஒரு கும்பல் முதியவர் ஒருவரை கொடூரமாக அடித்துக் கொன்ற சம்பவம் தமிழகத்தையே அதிர வைத்துள்ளது. மேட்டூர் பகுதியைச் சேர்ந்த அந்த முதியவர் சாலையில் சென்றுகொண்டிருந்தபோது, அங்கு கஞ்சா போதையில் நின்றிருந்த இளைஞர் கும்பல் ஒன்று, அவரது முகத்திலேயே புகையை ஊதி வம்புக்கு இழுத்துள்ளது. இதனை அந்த முதியவர் தட்டிக்கேட்டதால் ஆத்திரமடைந்த அந்தக் கும்பல், அவரைச் சரமாரியாகத் தாக்கியுள்ளது. இதில் பலத்த காயமடைந்த முதியவர் சம்பவ இடத்திலேயே பரிதாபமாக உயிரிழந்தார்.

இந்தக் கொடூரச் சம்பவம் தொடர்பாகப் அப்பகுதி மக்கள் அதிர்ச்சிகரமான தகவலைத் தெரிவித்துள்ளனர். இந்தக் கஞ்சா கும்பல் குறித்து ஏற்கனவே பலமுறை காவல் நிலையத்தில் புகார் அளித்தும், போலீசார் எந்தவித நடவடிக்கையும் எடுக்காமல் அலட்சியமாகச் செயல்பட்டதாகக் குற்றம் சாட்டியுள்ளனர். காவல்துறையின் இந்த மெத்தனப் போக்கே ஒரு உயிர் பறிபோகக் காரணமாகிவிட்டதாகக் கூறி, ஆத்திரமடைந்த பொதுமக்கள் குற்றவாளிகளை உடனடியாகக் கைது செய்யக் கோரி சாலை மறியலில் ஈடுபட்டுள்ளனர்.

தமிழகத்தில் சமீபகாலமாகப் பெருகிவரும் கஞ்சா புழக்கமும், அதனால் ஏற்படும் வன்முறைகளும் பொதுமக்கள் மத்தியில் பெரும் அச்சத்தை ஏற்படுத்தியுள்ளது. "சட்டம் ஒழுங்கு சீர்குலைந்துள்ளதையே இந்தச் சம்பவம் காட்டுகிறது" என எதிர்க்கட்சிகளும் சமூக ஆர்வலர்களும் கண்டனம் தெரிவித்து வருகின்றனர். தப்பியோடிய அந்தக் கும்பலைப் பிடிக்கத் தனிப்படை அமைக்கப்பட்டுள்ளதாகக் காவல்துறை தரப்பில் கூறப்பட்டாலும், மேட்டூர் பகுதியில் இன்னும் பதற்றம் தணியவில்லை.