போராட்டம் தொடரும்... விசைத்தறி உரிமையாளர்கள் அறிவிப்பு!

கோவை மாவட்ட ஆட்சியர் அலுவலகத்தில் நடைபெற்ற விசைத்தறி உரிமையாளர்களுடனான பேச்சு வார்த்தை தோல்வியடைந்ததைத் தொடர்ந்து, வேலை நிறுத்த போராட்டம் தொடரும் என விசைத்தறி உரிமையாளர்கள் அறிவித்துள்ளனர். 

கூலி உயர்வு வழங்கக் கோரி, கோவை, திருப்பூர் மாவட்ட கூலிக்கு நெசவு செய்யும் விசைத்தறி உரிமையாளர்கள் தொடர் வேலை நிறுத்ததில் ஈடுபட்டுள்ளனர். 28 வது நாளாக தங்களது விசைத்தறிகளை இயக்காமல் வேலை நிறுத்த போராட்டத்தை  தொடர்ந்து வரும் நிலையில், மாவட்ட ஆட்சியர் அலுவலகத்தில் விசைத்தறி உரிமையாளர்கள் மற்றும் தொழிலாளர் நலத்துறை, மாவட்ட நிர்வாகத்துடனான பேச்சு வார்த்தை நடைபெற்றது.

மாவட்ட ஆட்சியர் பவன்குமார் கிரியப்பனவர் தலைமையில் நடைபெற்ற இந்த பேச்சு வார்த்தையின் போது, தொழிலாளர் நலத்துறை கோவை மண்டல கூடுதல் ஆணையர் சாந்தி உள்ளிட்ட அதிகாரிகள் கலந்து கொண்டனர். பேச்சு வார்த்தையின் போது 50 முதல் 60 சதவீதம் கூலி உயர்வு வழங்க வேண்டும் என விசைத்தறி உரிமையாளர் கோரிக்கை வைத்தனர். ஆனால் ஜவுளி உற்பாத்தியாளர்கள் பேச்சு வார்த்தையில் 5 சதவீதம் மட்டுமே கூலி உயர்வு தர முடியும் என தெரிவித்தது குறித்து அதிகாரிகள் தெரிவித்தனர்.

குறைந்தபட்சமாக 30 சதவீதம் கூலி உயர்வையாவது வழங்க வேண்டும் என தெரிவித்தனர். சுமார் 30 நிமிடங்களுக்கு மேல் தொடர்ந்து நடைபெற்ற இந்த பேச்சு வார்த்தையில் உடன்பாடு எட்டப்படவில்லை. இதனால் விசைத்தறி உரிமையாளர்கள் வேலை நிறுத்தம் தொடரும் என அறிவித்துள்ளனர்.

இது குறித்து பேசிய விசைத்தறி உரிமையாளர்கள் கூறுகையில், “பேச்சு வார்த்தையில் சற்று முன்னேற்றம் இருந்தது. ஆனால் பேச்சு வார்த்தையில் உடன்பாடு எட்டவில்லை. இதனால் வேலை நிறுத்த போராட்டம் தொடரும். அடுத்த கட்ட நடவடிக்கைகள் குறித்து  மற்ற நிர்வாகிகளுடன் கலந்து பேசி அறிவிப்போம். மீண்டும் பேச்சு வார்த்தைக்கு அழைக்கும் போது, மீண்டும் கூலி உயர்வு குறித்து வலியுறுத்துவோம்” என தெரிவித்தனர்.

2025 புத்தாண்டு இந்த 6 நட்சத்திரத்தில் பிறந்தவங்களுக்கு தான் அதிர்ஷ்ட மழை!

மிஸ் பண்ணாதீங்க... தை மாதத்தின் சிறப்புகள், வழிபாடுகள்!

தை மாத ராசிபலன்கள்... எந்தெந்த ராசிக்காரர்களுக்கு ஏற்றம்?

செல்வத்தை செழிக்கச் செய்யும் தை மாத ஞாயிறு விரதம்!

தை வெள்ளிக்கிழமை... வாழ்க்கையில ஜெயிக்க இதை செய்ய மறக்காதீங்க!