சோழவந்தான் ‘தனி’ தொகுதியில் மும்முனைப் போட்டி - இந்நாள் vs முன்னாள் எம்.எல்.ஏ.க்களிடையே மோதல்... தவெக வேட்பாளரால் யாருக்கு பாதிப்பு?

மதுரை மாவட்டத்தில் விவசாயமும் ஆன்மிகமும் நிறைந்த சோழவந்தான் தனித் தொகுதியில், இந்த முறை தேர்தல் களம் முன்னெப்போதும் இல்லாத வகையில் விறுவிறுப்பாகியுள்ளது. ஆளுங்கட்சியான திமுக மற்றும் பிரதான எதிர்க்கட்சியான அதிமுகவுக்குப் போட்டியாகத் தமிழக வெற்றிக் கழகமும் வலுவாகக் களம் இறங்கியுள்ளது.

தற்போதைய திமுக எம்.எல்.ஏ வெங்கடேசன், அமைச்சர் பி.மூர்த்தியின் தீவிர ஆதரவாளர் என்பது தொகுதியில் இவருக்குப் பலமாகப் பார்க்கப்படுகிறது. கடந்த ஐந்து ஆண்டுகளில் தொகுதியில் செய்துள்ள குடிநீர்த் திட்டங்கள் மற்றும் சாலைப் பணிகள். ஆளுங்கட்சி என்ற பலத்துடன் இவர் பிரசாரத்தில் முன்னணியில் உள்ளார்.

வைகை ஆற்றில் கழிவுநீர் கலப்பதைத் தடுப்பதில் நிலவும் தாமதம் மற்றும் பாதாளச் சாக்கடைப் பணிகளால் சேதமடைந்த சாலைகள் குறித்த மக்களின் அதிருப்தி இவருக்குச் சவாலாக அமையலாம். அதிமுக சார்பில் முன்னாள் எம்.எல்.ஏ மாணிக்கம் மீண்டும் களமிறக்கப்பட்டுள்ளார். எடப்பாடி பழனிசாமி தலைமையிலான அதிமுக-வின் கோட்டையாகக் கருதப்பட்ட சோழவந்தானைத் திரும்பப் பெற அவர் தீவிரமாக உழைத்து வருகிறார்.

தொகுதியில் இவருக்கு இருக்கும் பழைய அறிமுகம் மற்றும் அதிமுக-வின் நிலையான வாக்கு வங்கி. ஆளுங்கட்சியின் அதிகார பலத்தை எதிர்த்துப் பிரசாரம் செய்வது மற்றும் வாக்குகள் சிதற வாய்ப்பிருப்பது.

நடிகர் விஜய்யின் தமிழக வெற்றிக் கழகம் சார்பில் முன்னாள் எம்.எல்.ஏ கருப்பையா வேட்பாளராக நிறுத்தப்பட்டுள்ளார். இவர் ஏற்கனவே அதிமுக-வில் எம்.எல்.ஏ-வாக இருந்தவர் என்பதால் தொகுதி மக்களிடையே நன்கு அறிமுகமானவர். கருப்பையாவின் வருகை அதிமுக மற்றும் திமுக ஆகிய இரு கட்சிகளின் வாக்குகளையும் பிரிக்க வாய்ப்புள்ளதாகக் கருதப்படுகிறது. குறிப்பாக, இளைஞர்களின் வாக்குகள் த.வெ.க-வுக்குச் சாதகமாகத் திரும்பினால், அது மற்ற இரு கட்சிகளின் வெற்றி வாய்ப்பைப் பாதிக்கலாம்.

வைகை ஆற்றில் குப்பைகள் கொட்டுவதைத் தடுத்து, குடிநீர் ஆதாரத்தைப் பாதுகாக்க வேண்டும். சோழவந்தான் பேரூராட்சிப் பகுதிகளில் நீண்ட நாட்களாக நிலுவையில் உள்ள சாலைப் பணிகளை விரைந்து முடிக்க வேண்டும். விவசாயம் சார்ந்த தொழிற்சாலைகளைத் தொடங்கி இளைஞர்களுக்கு வேலைவாய்ப்பு வழங்க வேண்டும் என்பது தொகுதி மக்களின் கோரிக்கையாக இருக்கிறது.