தைராய்டு இருக்கறவங்க இந்த உணவுகள தவிர்த்திடுங்க... மருத்துவர்கள் முக்கிய எச்சரிக்கை!

உலக தைராய்டு தினத்தை முன்னிட்டு நமது உடலில் உள்ள மிக முக்கியமான தைராய்டு சுரப்பியின் ஆரோக்கியத்தைப் பாதுகாப்பது குறித்த விழிப்புணர்வு அதிகரித்து வருகிறது. இன்றைய காலகட்டத்தில் தவறான உணவுப் பழக்கம் மற்றும் மன அழுத்தம் காரணமாக பலரும் தைராய்டு குறைபாடுகளால் பாதிக்கப்பட்டு அவதிப்படுகிறார்கள். இத்தகைய பாதிப்பு உள்ளவர்கள் தங்களின் அன்றாட உணவு முறையில் சில குறிப்பிட்ட உணவுகளை முற்றிலும் தவிர்ப்பதன் மூலம் மட்டுமே ஹார்மோன் அளவை சீராக வைத்திருக்க முடியும் என்று மருத்துவ நிபுணர்கள் எச்சரிக்கின்றனர்.

முக்கியமாக சோயா மற்றும் சோயா சார்ந்த உணவுப் பொருட்களை தைராய்டு நோயாளிகள் தங்களின் உணவுப் பட்டியலில் இருந்து தூர வைப்பது மிகவும் அவசியமான ஒன்றாகும். சோயாவில் உள்ள சில வேதிப்பொருட்கள் உடலில் தைராய்டு ஹார்மோன் உற்பத்தியைத் தடுப்பதுடன் நாம் உட்கொள்ளும் மருந்துகளின் வீரியத்தையும் பெருமளவில் குறைத்துவிடுகிறது. இதேபோல் முட்டைக்கோஸ், காலிஃப்ளவர் மற்றும் புரோக்கோலி போன்ற காய்கறிகளையும், பதப்படுத்தப்பட்ட பாக்கெட் உணவுகளையும் அதிகமாகச் சாப்பிடுவதைத் தவிர்க்க வேண்டும் என    பிரபல நீரிழிவு மற்றும் ஹார்மோன் சிறப்பு மருத்துவர்  விளக்குகிறார்.

மேலும் சுத்திகரிக்கப்பட்ட சர்க்கரை மற்றும் மைதா போன்ற குளுட்டன் நிறைந்த உணவுகள் உடலில் உள்ள அலர்ஜியை அதிகரித்து தைராய்டு சுரப்பியின் செயல்பாட்டை மேலும் மந்தமாக்கி விடுகின்றன. எனவே காபி மற்றும் தேநீர் போன்ற பானங்களை அளவுக்கு அதிகமாகக் குடிப்பதைத் தவிர்த்துவிட்டு, நார்ச்சத்து நிறைந்த காய்கறிகளையும் பழங்களையும் உணவில் சேர்த்துக் கொள்ள வேண்டும். தைராய்டு பாதிப்பு உள்ளவர்கள் மருத்துவர்களின் முறையான ஆலோசனையைப் பெற்று தகுந்த உணவு முறையைப் பின்பற்றினால் மட்டுமே இந்த உடல்நலப் பிரச்சினையைத் தங்களின் கட்டுப்பாட்டிற்குள் வைத்திருக்க முடியும்.