குவியும் வாழ்த்துக்கள்... திலக் வர்மா டி20 கிரிக்கெட்டில் உலக சாதனை!

இந்தியா - இங்கிலாந்து இடையிலான 5 போட்டிகள் கொண்ட டி20 தொடரின் 2வது போட்டி சென்னை சேப்பாக்கம் மைதானத்தில் நடைபெற்று முடிந்துள்ளன. இந்த போட்டியில் இந்தியா டாஸ் வென்று பந்துவீச்சை தேர்வு செய்தது. அதன்படி முதலில் பேட்டிங் செய்த இங்கிலாந்து 20 ஓவர்களில் 9 விக்கெட்டுகள் இழப்பிற்கு 165 ரன்கள் அடித்தது. அதிகபட்சமாக பட்லர் 45 ரன்கள் அடித்திருந்தார். இந்தியா தரப்பில் அக்சர் மற்றும் வருண் ஆகியோர் தலா 2 விக்கெட்டுகள் வீழ்த்தினர்.
இதனையடுத்து 166 ரன்கள் அடித்தால் வெற்றி என்ற இலக்கை நோக்கி ஆட்டத்தை தொடங்கிய இந்திய அணி 19.2 ஓவர்களில் 8 விக்கெட்டுகளை இழந்து 166 ரன்கள் அடித்து வெற்றி பெற்றது. அதிகபட்சமாக திலக் வர்மா ஆட்டமிழக்காமல் 72 ரன்கள் அடித்தார். இங்கிலாந்து தரப்பில் பிரைடன் கார்ஸ் 3 விக்கெட்டுகள் வீழ்த்தினார்.
திலக் வர்மா இந்த ஆட்டத்தில் அடித்த 72 ரன்களையும் சேர்த்து சர்வதேச டி20 கிரிக்கெட்டில் கடைசி 4 போட்டிகளில் ஆட்டமிழக்காமல் 318 ரன்கள் (107, 120, 19 மற்றும் 72 ரன்கள்) அடித்துள்ளார்.
இதன் மூலம் சர்வதேச டி20 கிரிக்கெட் வரலாற்றில் இரண்டு அவுட்டுகளுக்கு மத்தியில் அதிக ரன்கள் குவித்த வீரர் என்ற உலக சாதனையை திலக் வர்மா படைத்துள்ளார்.
அதன்படி சாதனை வீரர்கள் பட்டியல்
1. திலக் வர்மா - 318 ரன்கள்
2. மார்க் சாப்மேன் - 271 ரன்கள்
3. ஆரோன் பின்ச்/ஸ்ரேயாஸ் ஐயர் - 240 ரன்கள்
4. டேவிட் வார்னர் - 239 ரன்கள்
2025 புத்தாண்டு இந்த 6 நட்சத்திரத்தில் பிறந்தவங்களுக்கு தான் அதிர்ஷ்ட மழை!
மிஸ் பண்ணாதீங்க... தை மாதத்தின் சிறப்புகள், வழிபாடுகள்!
தை மாத ராசிபலன்கள்... எந்தெந்த ராசிக்காரர்களுக்கு ஏற்றம்?
செல்வத்தை செழிக்கச் செய்யும் தை மாத ஞாயிறு விரதம்!
தை வெள்ளிக்கிழமை... வாழ்க்கையில ஜெயிக்க இதை செய்ய மறக்காதீங்க!