அக்.22ல் திருவாரூர், தஞ்சை மாவட்டங்களுக்கு உள்ளூர் விடுமுறை அறிவிப்பு - கலெக்டர் உத்தரவு!

திருவாரூர் மாவட்டம், முத்துப்பேட்டையை அடுத்த ஜாம்புவானோடையில் அமைந்துள்ள பிரசித்தி பெற்ற ஷேக்தாவூது ஆண்டவர் தர்காவின் 725-ஆம் ஆண்டு பெரிய கந்தூரி விழா தற்போது கோலாகலமாக நடைபெற்று வருகிறது.

தர்கா விழாவின் முக்கிய நிகழ்வுகளை முன்னிட்டு, வரும் அக்டோபர் 22-ஆம் தேதி திருவாரூர் மாவட்டத்திற்கு உள்ளூர் விடுமுறை அறிவிக்கப்பட்டுள்ளது. அன்றைய தினம் மாவட்டத்திலுள்ள அனைத்து அரசு அலுவலகங்களுக்கும், கல்வி நிறுவனங்களுக்கும் விடுமுறை பொருந்தும்.

இந்த விடுமுறையை ஈடுசெய்யும் வகையில், வரும் அக்டோபர் 24-ஆம் தேதி (சனிக்கிழமை) வழக்கமான வேலை நாளாகச் செயல்படும் என மாவட்ட ஆட்சியர் அறிவித்துள்ளார்.

அதே போன்று அக்டோபர் 22ம் தேதி ராஜ ராஜ சோழனின் சதய விழாவினை முன்னிட்டு தஞ்சாவூர் மாவட்டத்திற்கு உள்ளூர் விடுமுறை அறிவித்து அம்மாவட்ட ஆட்சியர் உத்தரவிட்டுள்ளார்.