நாளை இருக்கு கச்சேரி... தாராபுரத்தில் 50 கி.மீ. தொலைவுக்கு முதல்வர் விஜய் ரோட் ஷோ - 40 இடங்களில் வரவேற்பளிக்க ஏற்பாடு!

தாராபுரம் சட்டமன்றத் தொகுதி இடைத்தேர்தல் களம் சூடுபிடித்துள்ள நிலையில், தமிழக முதலமைச்சரும் தவெக தலைவருமான விஜய் நாளை (அக்டோபர் 4) தாராபுரத்தில் மாபெரும் தேர்தல் பிரச்சாரத்தில் ஈடுபட உள்ளார். இதற்காக அவர் சுமார் 50 கிலோமீட்டர் தூரத்திற்குத் திறந்த வாகனத்தில் பிரம்மாண்ட ரோட் ஷோ செல்லவுள்ளதாகத் தகவல்கள் வெளியாகியுள்ளன. அவரது வருகையையொட்டிப் பாதுகாப்பு ஏற்பாடுகளும், வரவேற்பு ஏற்பாடுகளும் தீவிரப்படுத்தப்பட்டுள்ளன.

கோவையில் இருந்து ஹெலிகாப்டர் மூலம் தாராபுரம் செல்லும் முதலமைச்சர் விஜய், அங்கு அமைக்கப்பட்டுள்ள பிரத்யேக ஹெலிகாப்டர் இறங்குதளத்தில் வந்திறங்குகிறார். பின்னர், தாராபுரம் மாருதி நகரில் தொடங்கி மூலனூர் வரை சுமார் 50 கிலோமீட்டர் தொலைவுக்கு அவர் ரோட் ஷோ செல்லத் திட்டமிடப்பட்டுள்ளது.

வழிநெடுகிலும் தவெக தொண்டர்களும் பொதுமக்களும் முதலமைச்சரை வரவேற்கும் வகையில் சுமார் 40 இடங்களில் சிறப்பான ஏற்பாடுகள் செய்யப்பட்டுள்ளன. திறந்த வேனில் நின்றுகொண்டு பொதுமக்களைச் சந்தித்து அவர் வாக்கு சேகரிக்க உள்ளார்.

முதலமைச்சரின் இந்த அதிரடி தேர்தல் பிரச்சாரப் பயணம் தாராபுரம் அரசியல் களத்தில் பெரும் எதிர்பார்ப்பை ஏற்படுத்தியுள்ளதுடன், எதிர்க்கட்சிகளின் கவனத்தையும் ஈர்த்துள்ளது.