இந்திய சினிமாவில் புதிய சாதனை - உலகம் முழுவதும் 12,000 திரைகளில் வெளியாகும் ‘டாக்ஸிக்’!

கே.ஜி.எஃப் திரைப்படத்தின் பிரம்மாண்ட வெற்றிக்குப் பிறகு நடிகர் யாஷ் நடிப்பில் உருவாகியுள்ள 'டாக்ஸிக்' திரைப்படம், திரையரங்கு வெளியீட்டில் இந்திய சினிமா வரலாற்றிலேயே இதுவரை இல்லாத புதிய சாதனையைப் படைக்கவுள்ளது.

1940 முதல் 1970-ஆம் ஆண்டு காலகட்டத்தில் கோவாவில் நடைபெற்ற மாபியா பின்னணியைக் மையமாகக் கொண்டு இத்திரைப்படம் மிகவும் பிரம்மாண்டமாக உருவாக்கப்பட்டுள்ளது. பிரபல பெண் இயக்குநர் கீது மோகன்தாஸ் இயக்கியுள்ள இத்திரைப்படத்திற்குத் தணிக்கை வாரியம் 'ஏ' சான்றிதழ் வழங்கியுள்ளது. இத்திரைப்படம் வரும் ஆகஸ்ட் 26-ஆம் தேதி திரையரங்குகளில் உலகம் முழுவதும் வெளியாகிறது.

இந்திய திரைப்பட வரலாற்றிலேயே மிகப்பிரம்மாண்டமான முறையில் உலகம் முழுவதும் சுமார் 12,000 திரையரங்குகளில் 'டாக்ஸிக்' திரைப்படம் திரையிடப்பட உள்ளது. ரசிகர்களிடையே பெரும் எதிர்பார்ப்பை ஏற்படுத்தியுள்ள இத்திரைப்படத்திற்கான முன்பதிவு ஆகஸ்ட் 21-ஆம் தேதி (இன்று) முதல் தொடங்கும் என எதிர்பார்க்கப்படுகிறது.