த்ரிஷாவின் பால் டப்பாவுடன் இணைந்து குத்தாட்டம் ... இணையத்தை அதிரவைக்கும் வீடியோ!
தென்னிந்தியத் திரையுலகின் கனவுக்கன்னியாக வலம் வரும் நடிகை திரிஷா, தற்போது ஒரு புதிய இசை ஆல்பத்தில் தோன்றி ரசிகர்களுக்கு இன்ப அதிர்ச்சி கொடுத்துள்ளார். பிரபல ராப் பாடகர் 'பால் டப்பா'-வுடன் இணைந்து அவர் ஆடியுள்ள இந்த வீடியோ, சமூக வலைதளங்களில் காட்டுத்தீயாகப் பரவி வருகிறது. 'கோட்' படத்தில் மஞ்சள் சேலையில் வந்து ஒரு பாடலுக்கு நடனமாடியது போலவே, இந்த ஆல்பத்திலும் திரிஷாவின் ஸ்டைலான நடனம் அனைவரையும் கவர்ந்துள்ளது.
'Psilovibin' என்று பெயரிடப்பட்டுள்ள இந்த இசை வீடியோவில், திரிஷா மற்றும் பால் டப்பா இருவரும் இணைந்து துள்ளலான நடனத்தைப் பகிர்ந்துள்ளனர். ஊஞ்சலில் அமர்ந்து திரிஷா பாடும் காட்சிகளும், அதில் இடம் பெற்றுள்ள வண்ணமயமான பின்னணிகளும் ரசிகர்களை வெகுவாக ஈர்த்துள்ளன. திரிஷா இனி படங்களில் நடிக்க மாட்டார் என வதந்திகள் பரவி வந்த நிலையில், இந்த அதிரடி ஆல்பம் மூலம் அவர் தனது வருகையை மீண்டும் உறுதிப்படுத்தியுள்ளார்.
குந்தவையாகக் கம்பீரம் காட்டிய திரிஷா, தற்போது நவீன இசை உலகில் கால் பதித்துள்ளது அவரது ரசிகர்களிடையே பெரும் உற்சாகத்தை ஏற்படுத்தியுள்ளது. ஏற்கனவே விஜய், அஜித், விக்ரம் எனப் பல முன்னணி நடிகர்களுடன் நடித்து வரும் வேளையில், இந்தத் திடீர் ஆல்பம் அவரது மார்க்கெட்டை மேலும் உயர்த்தும் எனத் தெரிகிறது. தற்போது இணையத்தில் டிரெண்டாகி வரும் இந்த 'Psilovibin' வீடியோ, யூடியூப் மற்றும் இன்ஸ்டாகிராம் பக்கங்களில் லைக்குகளைக் குவித்து வருகிறது.