’டிரம்ப் லேடி வெர்ஷன்’.. கனடா பிரதமர் வேட்பாளர் ரூபி தல்லாவை விமர்சிக்கும் நெட்டிசன்கள்.. ஏன் தெரியுமா?

கனடா பிரதமர் பதவிக்கான போட்டியில் இருக்கும் இந்திய வம்சாவளியைச் சேர்ந்த ரூபி தல்லா, "நான் கனடா பிரதமரானால், நாட்டில் சட்டவிரோதமாக வசிக்கும் 5 லட்சம் பேரை நாடு கடத்துவேன்" என்று கூறும் வீடியோவை வெளியிட்டுள்ளார். இது, 'கனடாவின் பெண் டிரம்ப் இவர்தானா?' என்று பலரைக் கேட்க வைத்துள்ளது.

As Prime Minister, I will deport illegal immigrants and clamp down on human traffickers.

That’s my promise to you.

En tant que Premiére ministre, je vais expulser les immigrants illégaux et sévir contre les trafiquants d’êtres humains.

C’est ma promesse envers vous. pic.twitter.com/T69pISQlXS

— Ruby Dhalla (@DhallaRuby) January 28, 2025

இந்திய வம்சாவளியைச் சேர்ந்த எம்.பி. ரூபி தல்லா, கனடா பிரதமர் பதவிக்கான போட்டியில் உள்ளார். அவர் பிரதமராக தேர்ந்தெடுக்கப்பட்டால், கனடா பிரதமராக பதவியேற்கும் முதல் இந்திய வம்சாவளி பெண் என்ற பெருமையைப் பெறுவார். இந்திய வம்சாவளியைச் சேர்ந்த எம்.பி., ரூபி தல்லா, சட்டவிரோத குடியேறிகள் குறித்து தனது சமூக ஊடகப் பக்கத்தில் ஒரு வீடியோவை வெளியிட்டுள்ளார். அந்தப் பதிவில், "நான் கனடா பிரதமரானால், நாட்டில் சட்டவிரோதமாக வசிக்கும் 5 லட்சம் பேரை நாடு கடத்துவேன். இது உங்களுக்கு எனது சத்தியம்" என்று கூறியுள்ளார்.

அந்த வீடியோவில், "அரை மில்லியனுக்கும் அதிகமான மக்கள் கனடாவில் சட்டவிரோதமாக வசிக்கின்றனர். இது ஏற்றுக்கொள்ள முடியாதது. புலம்பெயர்ந்த பெற்றோரின் மகளாக, எனக்கு ஏதாவது சொல்ல வேண்டும். புலம்பெயர்ந்தோர் நமது நாட்டை சிறந்ததாக மாற்ற உதவியுள்ளனர் என்பது எனக்குத் தெரியும். ஆனால் நாம் மனித கடத்தலை நிறுத்த வேண்டும். அது சட்டவிரோதமானது. நான் உங்கள் பிரதமரானால், உங்களுக்கு ஒன்றைச் சொல்ல விரும்புகிறேன். அதாவது, கனடாவில் சட்டவிரோதமாக வசிக்கும் ஒவ்வொருவரையும் நான் நாடு கடத்துவேன். "இப்போது தொடங்கி, கனடா மீண்டு வரும்" என்று பேசியுள்ளார்.

"கனடாவின்  டொனால்ட் டிரம்ப் லேடி வெர்ஷன் இவர் தானா?" என்று பலர் அவரது இந்தப் பதிவை விமர்சித்து வருகின்றனர். அமெரிக்க அதிபர் தேர்தலில் வெற்றி பெற்ற டொனால்ட் டிரம்ப், தனது வெற்றிக்குப் பிறகு அமெரிக்காவில் சட்டவிரோதமாக வசிப்பவர்களை நாடு கடத்த உத்தரவு பிறப்பித்ததே இதற்குக் காரணம். இதற்கான பணிகள் தற்போது முழு வீச்சில் நடந்து வருகின்றன. இந்தச் சூழலில்தான் கனடா பிரதமர் பதவிக்குப் போட்டியிடும் தல்லாவும் சமூக ஊடகங்களில் விவாதப் பொருளாக மாறியுள்ளார்.

50 வயதான ரூபி தல்லா, இந்தியாவின் பஞ்சாபைச் சேர்ந்தவர். முதலில் மருத்துவராகப் பணியாற்றிய தல்லா, 1993 இல் கனடாவில் நடைபெற்ற அழகுப் போட்டியில் இரண்டாவது இடத்தைப் பிடித்தார். கனடாவில் படமாக்கப்பட்ட கியோன் கிஸ் லியே என்ற பாலிவுட் படத்திலும் நடித்த தல்லா, 21 வயதில் அரசியலில் நுழைந்தார். 10 வயதில், முன்னாள் இந்தியப் பிரதமர் இந்திரா காந்திக்கு ஆபரேஷன் ப்ளூ ஸ்டார் குறித்து தனது கருத்தைத் தெரிவித்து ஒரு கடிதம் எழுதினார். இந்திரா காந்தி அவருக்கு தனிப்பட்ட முறையில் பதிலளித்ததாகக் கூறப்படுகிறது.

2025 புத்தாண்டு இந்த 6 நட்சத்திரத்தில் பிறந்தவங்களுக்கு தான் அதிர்ஷ்ட மழை!

மிஸ் பண்ணாதீங்க... தை மாதத்தின் சிறப்புகள், வழிபாடுகள்!

தை மாத ராசிபலன்கள்... எந்தெந்த ராசிக்காரர்களுக்கு ஏற்றம்?

செல்வத்தை செழிக்கச் செய்யும் தை மாத ஞாயிறு விரதம்!

தை வெள்ளிக்கிழமை... வாழ்க்கையில ஜெயிக்க இதை செய்ய மறக்காதீங்க!