120 எம்.எல்.ஏ.க்களின் ஆதரவுடன் தவெக அரசு நம்பிக்கை வாக்கெடுப்பில் வெற்றி.!

தமிழக சட்டமன்றத்தில் இன்று நடைபெற்ற நம்பிக்கை வாக்கெடுப்பில், முதலமைச்சர் ஜோசப் விஜய் தலைமையிலான தமிழக வெற்றிக் கழக அரசு வெற்றி பெற்றுள்ளது. பெரும்பான்மை பலமான 118 இடங்கள் தேவைப்பட்ட நிலையில், அரசுக்குத் தேவையான ஆதரவு 120 எம்.எல்.ஏ.க்களின் வாக்குகளுடன் உறுதி செய்யப்பட்டுள்ளது. இந்த வெற்றியைத் தொடர்ந்து, முதலமைச்சர் விஜய்யின் அரசு சட்டமன்றத்தில் தனது பெரும்பான்மையை அதிகாரப்பூர்வமாக நிலைநாட்டியுள்ளது.

வாக்கெடுப்பில் தவெக-வின் 106 உறுப்பினர்கள் மற்றும் கூட்டணி கட்சிகளான காங்கிரஸ் 5, சிபிஐ 2, சிபிஎம் 2, விசிக 2, இந்திய யூனியன் முஸ்லிம் லீக் 2 ஆகியோருடன், அமமுக-வில் இருந்து நீக்கப்பட்ட ஒரு சுயேச்சை எம்.எல்.ஏ. ஆதரவு அளித்து வாக்களித்தனர். அனைத்து தரப்பு ஆதரவையும் பெற்று, எதிர்ப்புகளைச் சமாளித்து முதலமைச்சர் ஜோசப் விஜய் தனது முதல் அக்னி பரீட்சையில் வெற்றி பெற்றுள்ளார். இதனால், தவெக அரசு தடையின்றித் தனது பணிகளைத் தொடர வாய்ப்பு ஏற்பட்டுள்ளது.

சட்டமன்றத்தில் நம்பிக்கை கோரும் தீர்மானம் நிறைவேறியதைத் தொடர்ந்து, அரசு ஆதரவுக் கட்சியினர் மற்றும் தொண்டர்கள் மகிழ்ச்சியை வெளிப்படுத்தியுள்ளனர். எதிர்க்கட்சிகளின் கடும் விமர்சனங்களுக்கு மத்தியில், முதலமைச்சர் விஜய் தலைமையிலான அமைச்சரவை தனது செல்வாக்கை நிரூபித்துள்ளது. இனிவரும் காலங்களில் மக்கள் நலன் சார்ந்த திட்டங்களைச் செயல்படுத்துவதில் அரசு கவனம் செலுத்தும் என எதிர்பார்க்கப்படுகிறது.