இலவச கேஸ் இணைப்பு: உஜ்வாலா யோஜனா திட்டத்தில் விண்ணப்பிப்பது எப்படி?

மத்திய அரசின் உஜ்வாலா யோஜனா திட்டம், வறுமைக்கோட்டிற்கு கீழ் உள்ள பெண்களுக்குப் புகை இல்லாத சமையல் சூழலை உருவாக்கும் நோக்கில் 2016 மே 1 அன்று தொடங்கப்பட்டது. 10 கோடிக்கும் அதிகமான இணைப்புகளை வழங்க இலக்கு நிர்ணயிக்கப்பட்டு, இத்திட்டம் தற்போது நாடு முழுவதும் மிகச் சிறப்பாகச் செயல்படுத்தப்பட்டு வருகிறது. இதன் மூலம் தகுதியுள்ள ஏழை எளிய குடும்பங்களுக்கு வைப்புத் தொகை ஏதுமின்றித் தொடக்கக்கால இலவச எரிவாயு இணைப்புகள் வழங்கப்படுகின்றன.

இத்திட்டத்தின் கீழ் பயன் பெற விரும்புவோர் சில முக்கியமான ஆவணங்களைக் கைவசம் வைத்திருக்க வேண்டியது அவசியமாகும். குறிப்பாக விண்ணப்பிக்கும் பெண்ணின் பெயரில் உள்ள ரேஷன் கார்டு, ஆதார் கார்டு மற்றும் வங்கி கணக்கு விவரங்கள் ஆகியவை கட்டாயம் தேவைப்படும். இந்த ஆவணங்களைச் சமர்ப்பிப்பதன் மூலம் தகுதியுள்ள விண்ணப்பதாரர்கள் எவ்வித சிரமமுமின்றிப் புதிய கேஸ் இணைப்பினைப் பெற முடியும் என அரசு அறிவித்துள்ளது.

தகுதியுள்ள பெண்கள் தங்களுக்கு அருகிலுள்ள காஸ் ஏஜென்சி அலுவலகத்திற்கு நேரில் சென்றோ அல்லது அதிகாரப்பூர்வ இணையதளம் வாயிலாகவோ விண்ணப்பிக்கலாம். ஆன்லைனில் விண்ணப்பிப்பவர்கள் தேவையான விவரங்களைப் பதிவேற்றம் செய்த பிறகு, ஆவணச் சரிபார்ப்பு முடிந்தவுடன் இணைப்பு வழங்கப்படும். ஏழை எளிய மக்களின் வாழ்க்கைத் தரத்தை உயர்த்தும் இந்த உன்னதமான திட்டத்தைப் பயன்படுத்தி, தகுதியுள்ள குடும்பங்கள் பயன்பெறுமாறு மத்திய அரசு கேட்டுக்கொண்டுள்ளது.