இன்று மத்திய அமைச்சர் கிஷன் ரெட்டி அண்ணாமலையுடன் அரிட்டாபட்டி செல்கிறார்.. விவசாயிகளை நேரில் சந்திக்கிறார்!

இன்று மத்திய அமைச்சர் கிஷன் ரெட்டி அண்ணாமலையுடன் அரிட்டாபட்டி செல்கிறார். அரிட்டாபட்டியில் விவசாயிகளை நேரில் சந்தித்து பேசுகிறார். இன்று செய்தியாளர்களிடம் பேசிய பாஜக தமிழக தலைவர் அண்ணாமலை மத்திய அமைச்சரின் வருகையை உறுதிப்படுத்தினார்.
சென்னை ஈ.சி.ஆர். சாலையில் காரில் சென்ற பெண்களை திமுக கொடி கட்டிய காரில் சில மர்மநபர்கள் துரத்துச் செல்லும் வீடியோ சமூக வலைத்தளங்களில் வெளியாகி வைரலான நிலையில், இந்த சம்பவம் குறித்து காவல்துறையினர் தீவிரமாக விசாரணை மேற்கொண்டு கைது செய்துள்ளனர்.
இந்நிலையில் சென்னையில் நேற்று செய்தியாளர்களுடன் பேசிய தமிழக பாஜக தலைவர் அண்ணாமலை, 'சென்னை ஈ.சி.ஆரில் பாதுகாப்பற்ற சூழல் நிலவுகிறது. அங்கு காரில் பெண்களை துரத்திய சம்பவம் நெஞ்சை பதைபதைக்க வைக்கிறது. தமிழ்நாட்டில் சட்டம்- ஒழுங்கு எந்த அளவுக்கு சீர்கெட்டுள்ளது என்பதற்கு ஈசிஆர் சம்பவம் ஓர் உதாரணமாக இருந்து வருகிறது.
அப்பகுதிகளில் காவல் துறை ரோந்து பணியை அதிகரிக்க வேண்டும். காவல்துறைக்குத் தேவையான வாகனங்களை அரசு வாங்கி அவர்களுக்கு வழங்க வேண்டும். காவல் நிலையங்களை அதிகப்படுத்த வேண்டும். பெண்கள் எப்போது வெளியே சென்றாலும் பாதுகாப்பற்ற சூழல் நிலவி வருகிறது.தமிழகத்திற்கு இன்னும் முழு சுதந்திரம் கிடைக்கவில்லை. பெண்களுக்கு எதிரான குற்றங்களைத் தடுக்க திமுக அரசு ஒரு துரும்பைக்கூட கிள்ளி போடவில்லை. பல அரசியல் கட்சி தலைவர்கள் டங்ஸ்டன் சுரங்க விவகாரத்தில் அரசியல் ஆக்குகின்றனர்.
முதல்வர் ஸ்டாலின் சட்டப்பேரவையில் தீர்மானம் நிறைவேற்றப்பட்டதால்தான் நடந்ததாகக் கூறுகிறார். இதற்குமுன் சட்டப்பேரவையில் நிறைவேற்றப்பட்ட தீர்மானம் எல்லாம் நடந்திருக்கிறதா? டங்ஸ்டன் சுரங்க திட்டம் ரத்து செய்யப்பட்டதற்குக் காரணம் பிரதமர் மோடி தான். இன்று ஜனவரி 30ம் தேதி வியாழக்கிழமை அரிட்டாப்பட்டி சென்று விவசாயிகளை நேரில் சந்திக்கிறார். மத்திய அமைச்சர் கிஷன் ரெட்டியுடன் நானும் அரிட்டாபட்டி, வல்லாளப்பட்டி மக்களைச் சந்திக்க வருகிறேன்' எனக் கூறியுள்ளார்.
2025 புத்தாண்டு இந்த 6 நட்சத்திரத்தில் பிறந்தவங்களுக்கு தான் அதிர்ஷ்ட மழை!
மிஸ் பண்ணாதீங்க... தை மாதத்தின் சிறப்புகள், வழிபாடுகள்!
தை மாத ராசிபலன்கள்... எந்தெந்த ராசிக்காரர்களுக்கு ஏற்றம்?
செல்வத்தை செழிக்கச் செய்யும் தை மாத ஞாயிறு விரதம்!
தை வெள்ளிக்கிழமை... வாழ்க்கையில ஜெயிக்க இதை செய்ய மறக்காதீங்க!