UPSC வேலைவாய்ப்பு... டிகிரி முடித்தவர்களுக்கு 349 காலிப்பணியிடங்கள் - மார்ச் 12 கடைசி தேதி!

மத்திய உள்துறை அமைச்சகத்தின் (MHA) கீழ் இயங்கும் துணை ராணுவப் படைகளில் 'அசிஸ்டெண்ட் கமாண்டண்ட்' (Assistant Commandant - Group A) பணிக்கான 2026-ஆம் ஆண்டு அறிவிப்பை மத்திய அரசுப் பணியாளர் தேர்வாணையம் (UPSC) வெளியிட்டுள்ளது.

இந்தத் தேர்வின் மூலம் பி.எஸ்.எப் (BSF), சி.ஆர்.பி.எப் (CRPF), சி.ஐ.எஸ்.எப் (CISF), ஐ.டி.பி.பி (ITBP) மற்றும் எஸ்.எஸ்.பி (SSB) ஆகிய படைகளில் அதிகாரிகள் நியமிக்கப்பட உள்ளனர்.

பி.எஸ்.எப் (BSF): 108, சி.ஆர்.பி.எப் (CRPF): 106, சி.ஐ.எஸ்.எப் (CISF): 70, எஸ்.எஸ்.பி (SSB): 53, ஐ.டி.பி.பி (ITBP): 12 என மொத்தம் 349 பணியிடங்கள் காலியாக உள்ளன. இந்த காலி பணியிடங்களுக்கு கல்வித் தகுதியாக அங்கீகரிக்கப்பட்ட பல்கலைக்கழகத்தில் ஏதேனும் ஒரு பட்டப்படிப்பு முடித்திருக்க வேண்டும். இறுதி ஆண்டு படிக்கும் மாணவர்களும் விண்ணப்பிக்கலாம்.

வயது வரம்பு: 20 முதல் 25 வயதிற்குள் இருக்க வேண்டும் (01.08.2026 தேதியின்படி). அரசு விதிமுறைப்படி எஸ்சி/எஸ்டி பிரிவினருக்கு 5 ஆண்டுகளும், ஓபிசி பிரிவினருக்கு 3 ஆண்டுகளும் வயது வரம்பில் தளர்வு அளிக்கப்படும். ஆண், பெண் இருபாலரும் விண்ணப்பிக்கலாம்.

தேர்வு செய்யப்படும் முறை: எழுத்துத் தேர்வு ஜூலை 19, 2026 அன்று நடைபெறும். இதில் இரண்டு தாள்கள் (Paper I & II) இருக்கும்.  எழுத்துத் தேர்வில் தேர்ச்சி பெறுபவர்களுக்கு ஓட்டம், நீளம் தாண்டுதல் போன்ற உடல் தகுதித் தேர்வுகள் நடத்தப்படும். இறுதி கட்டமாக ஆளுமைத் திறன் மற்றும் நேர்காணல் நடைபெறும்.

விண்ணப்பக் கட்டணம்: ரூ.200 (பெண்கள், எஸ்சி/எஸ்டி பிரிவினருக்குக் கட்டணம் கிடையாது).

விண்ணப்பிக்கும் முறை: upsconline.nic.in என்ற இணையதளம் வாயிலாக ஆன்லைனில் மட்டுமே விண்ணப்பிக்க வேண்டும்.

கடைசி தேதி: 12.03.2026 (மாலை 6 மணி வரை).

மத்திய அரசின் உயரிய அதிகாரமிக்க இந்தப் பணியில் சேர விரும்புவோர், காலதாமதம் செய்யாமல் இப்போதே விண்ணப்பிக்கத் தொடங்குவது நல்லது.