சீனாவின் முக்கிய நிறுவனங்கள் மீது அமெரிக்கா பொருளாதாரத் தடை!

ஈரானின் பொருளாதார வருவாயைத் தடுக்கும் முயற்சியாக, அந்த நாட்டுடன் வர்த்தகத் தொடர்பில் இருந்த சீன நிறுவனங்கள் மீது அமெரிக்கா அதிரடியாகப் பொருளாதாரத் தடைகளை விதித்துள்ளது.

இலக்கு வைக்கப்பட்ட நிறுவனங்கள்: சீனாவைச் சேர்ந்த ஒரு முக்கிய எண்ணெய் சுத்திகரிப்பு ஆலை மற்றும் 40 கப்பல் நிறுவனங்கள், டேங்கர்கள் மீது இந்தத் தடை விதிக்கப்பட்டுள்ளது.

டாலியன் துறைமுக நகரில் உள்ள இந்த ஆலை, 2023 முதல் ஈரானிடமிருந்து கச்சா எண்ணெயை வாங்கி வருவதாகக் கூறப்படுகிறது. ஒரு நாளைக்கு 4 லட்சம் பீப்பாய் எண்ணெயைச் சுத்திகரிக்கும் திறன் கொண்ட இந்த ஆலை மூலம், ஈரான் ராணுவத்திற்குப் பல நூறு மில்லியன் டாலர் வருவாய் கிடைப்பதாக அமெரிக்கா குற்றம் சாட்டியுள்ளது.

ஈரானின் அணுசக்தி திட்டங்களைக் கட்டுப்படுத்தவும், அந்த நாட்டை அணுசக்தி ஒப்பந்தத்திற்கு இணங்க வைக்கவும் அமெரிக்கா நீண்டகாலமாகப் பொருளாதார நெருக்கடிகளைக் கொடுத்து வருகிறது. அதன் ஒரு பகுதியாகவே, ஈரானின் முக்கிய வருவாய் ஆதாரமான கச்சா எண்ணெய் ஏற்றுமதியை முடக்க இந்தத் தடை விதிக்கப்பட்டுள்ளது.

ஈரானின் எண்ணெய் கடத்தலைத் தடுக்க ஹோர்முஸ் நீரிணை பகுதியில் அமெரிக்கக் கடற்படை தீவிரக் கண்காணிப்பில் ஈடுபட்டுள்ள நிலையில் இந்த நடவடிக்கை எடுக்கப்பட்டுள்ளது.

அமெரிக்கா மற்றும் சீனா இடையிலான ஏற்கனவே நிலவி வரும் வர்த்தகப் பதற்றத்தை இந்த நடவடிக்கை மேலும் அதிகரிக்கக்கூடும் என எதிர்பார்க்கப்படுகிறது.