ஜாமீனில் வெளியே வந்த விசிக பிரமுகர் கொலை.. பழிக்கு பழி வாங்க அரங்கேறிய கொடூரம்!
மயிலாடுதுறை மாவட்டம், மயிலாடுதுறை கலைநகர் பகுதியைச் சேர்ந்த பட்டியல் சமூகத்தைச் சேர்ந்த லோகநாதன் என்பவரின் மகன் 26 வயதான அஜித்குமார். மயிலாடுதுறை திருவிழந்தூர் பரிமள ரெங்கநாதர் கோயில் தெற்கு வீதி பகுதியில் விடுதலைச் சிறுத்தைகள் கட்சி பிரமுகரான இவர் நேற்று (புதன்கிழமை) இரவு தனது உறவினர் சரவணனுடன் இருசக்கர வாகனத்தில் சென்றபோது, அடையாளம் தெரியாத நபர்களால் கழுத்து அறுக்கப்பட்டு கொடூரமான முறையில் படுகொலை செய்யப்பட்டார். உடன் இருந்த உறவினர் சரவணன் என்பவர் கையில் வெட்டு காயத்துடன் ஓடி வந்து ஒரு வீட்டிற்குள் ஒளிந்து கொண்டார்.
அஜித்குமாரின் உடல் பிரேத பரிசோதனைக்காக மயிலாடுதுறை அரசு மருத்துவமனையில் வைக்கப்பட்டுள்ளது. இந்தக் கொலையைக் கண்டித்தும் குற்றவாளிகளை உடனடியாகக் கைது செய்யக் கோரி நேற்று இரவு முதல் வியாழக்கிழமை இரவு வரை கலைஞர் நகர் பகுதி உறவினர்கள் மற்றும் பொதுமக்கள் சாலை மறியல் போராட்டத்தில் ஈடுபட்டனர். மேலும், மயிலாடுதுறையில் சில கடைகளை போராட்டக்காரர்கள் சேதப்படுத்தியதோடு, பேருந்து நிலையம் பகுதியில் உள்ள கடைகளும் அடைக்கப்பட்டன. பஸ்கள் பழைய பஸ் ஸ்டாண்டிற்குள் செல்ல தடை விதிக்கப்பட்டு திருப்பி விடப்பட்டது. இதனால் பள்ளி, கல்லூரி மாணவர்கள், பொதுமக்கள் கடும் போக்குவரத்து நெரிசலில் சிக்கித் தவித்தனர்.
கொலை, கொலை முயற்சி, வன்கொடுமை தடுப்பு சட்டம், ஆயுத தடுப்பு சட்டம் உள்ளிட்ட 9 பிரிவுகளின் கீழ் மயிலாடுதுறை போலீசார் வழக்குப்பதிவு செய்து குற்றவாளிகளை பிடிக்க 4 தனிப்படைகள் அமைத்து குற்றவாளிகளை தேடி வந்தனர். இந்நிலையில், கடந்த 2022ம் ஆண்டு மயிலாடுதுறை கொத்தத்தெரு வன்னியர் சங்க முன்னாள் தலைவர் கண்ணன் படுகொலை செய்யப்பட்ட வழக்கில் கைது செய்யப்பட்ட அஜித்குமார், ஜாமீனில் வெளியே வந்த நிலையில் நேற்று கொடூரமாக வெட்டி படுகொலை செய்யப்பட்டார்.
பலத்த காயம் அடைந்து சிகிச்சை பெற்று வரும் சரவணன் அளித்த வாக்குமூலத்தின் அடிப்படையில், அஜித்குமார் கொலைச் சம்பவத்தில் 2022ஆம் ஆண்டு படுகொலை செய்யப்பட்ட வன்னியர் சங்கப் பிரமுகரின் சகோதரர் மில்கி (எ) சந்திரமோகன், மணக்குடி சதீஸ், மயிலாடுதுறையைச் சேர்ந்த பாம் பாலாஜி, அவண்ணா என்கிற ஸ்ரீராம். சித்தமல்லியில் இருந்து, சந்திரமௌலி திருவிழந்தூரைச் சேர்ந்தவர், மோகன்தாஸ் வக்கரமாரி, தர்மபுரம். குழந்தைகள் தடுப்பு மற்றும் குற்றப் புலனாய்வுத் துறை காவல் ஆய்வாளர் செல்வம் தலைமையிலான தனிப்படை போலீஸார் அப்பகுதியைச் சேர்ந்த சத்தியநாதனை கைது செய்து குத்தாலம் காவல் நிலையத்துக்கு விசாரணைக்கு அழைத்துச் சென்றனர். விசாரணையில், இந்த கொலை பழிவாங்கும் வகையில் நடந்துள்ளது தெரிய வந்துள்ளது.
வன்னியர் சங்கத் பிரமுகர் கண்ணனைக் கொன்றவர்களை வெடிகுண்டு வீசி கொல்ல சதித் திட்டம் தீட்டியதாக போலீஸாரால் ஏற்கெனவே வழக்குப் பதிவு செய்யப்பட்டுள்ள 15 பேரில் கைது செய்யப்பட்டுள்ள நிலையில், சந்திரமோகன், மணக்குடி சதீஸ், சத்தியநாதன் ஆகியோர் அடக்கம் செய்யப்பட்டுள்ளனர் என்பது குறிப்பிடத்தக்கது. சாதி வழக்கில் தொடர்புடைய அனைவரையும் கைது செய்ய வேண்டும் என்று கூறி உடலை வாங்காமல் போராட்டம் தொடர்கிறது. மாவட்ட ஆட்சியர் மற்றும் மாவட்ட காவல் கண்காணிப்பாளர் இடையே பேச்சுவார்த்தை நடத்தியும் போராட்டம் முடிவுக்கு வராததால் மயிலாடுதுறை நகர மக்கள் பெரிதும் பாதிக்கப்பட்டுள்ளனர்.
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!
பங்குனி உத்திரத்தின் மகத்துவம் தெரிஞ்சுக்கோங்க..!