இணையத்தில் அவதூறு வீடியோ வைரல்.. மனமுடைந்த +2 மாணவி எடுத்த விபரீத முடிவு!
உத்தரபிரதேச மாநிலம் ஜான்சி மாவட்டத்தில் 12ம் வகுப்பு மாணவி தற்கொலை செய்து கொண்ட சம்பவம் அப்பகுதியில் பெரும் பரபரப்பை ஏற்படுத்தியுள்ளது. இந்நிலையில், மாணவியின் தற்கொலைக்கு அவர் குறித்த தவறான புரிதல் அடங்கிய வீடியோ சமூக வலைதளங்களில் வைரலானதே காரணம் என்று கூறப்படுகிறது.
வட இந்தியர்களால் கொண்டாடப்படும் ஹோலி பண்டிகை கடந்த திங்கட்கிழமை (மார்ச் 25) வெகு விமர்சையாக கொண்டாடப்பட்டது. அன்று அப்பகுதி வாலிபர் ஒருவர் மாணவியின் வீட்டிற்கு வந்துள்ளார். அந்த வாலிபர் வீட்டுக்கு வந்து செல்வதை மாணவியின் எதிர் வீட்டில் இருந்த நான்கு பெண்கள் வீடியோ எடுத்ததாக கூறப்படுகிறது.மேலும், அந்த வீடியோவை இன்ஸ்டாகிராமில் பதிவிட்ட நிலையில், மாணவியின் தந்தை, மாணவி பற்றி அவதூறாகப் பேசியதால் மன உளைச்சலில் மாணவி தற்கொலை செய்து கொண்டதாக காவல் நிலையத்தில் புகார் அளித்துள்ளார்.
ஜான்சி மாவட்டம், மவுரானிபூர், பதர்வாராவில் வசிக்கும் சிறுமியின் தந்தை அளித்த புகாரில், "எனது 18 வயது மகள், மவுரானிபூரில் உள்ள தனியார் பள்ளியில் படித்து வந்தாள். 12ம் வகுப்பு பொதுத்தேர்வு எழுதியுள்ளார். ஹோலி பாண்டி அன்று. , நாங்கள் அனைவரும் வீட்டில் ஒன்றாக இருந்தோம்.மதியம் ஒரு இளைஞன் வீட்டிற்கு வந்தான். தண்ணீரைக் குடித்துவிட்டு வீட்டை விட்டு வெளியே வந்தபோது, அதை எதிர் வீட்டைச் சேர்ந்த நான்கு பெண்கள் வீடியோ எடுத்துள்ளனர்.
அவர்கள் அந்த வீடியோவை சமூக வலைதளங்களில் வெளியிட்டதையடுத்து, அந்த வீடியோ வைரலானது. அதில் எனது மகளுக்கு எதிராக பல அவதூறு கருத்துகள் இடம் பெற்றிருந்தன.இந்நிலையில் எனது மகள் வீடியோ மற்றும் அதில் பதிவிடப்பட்ட அவதூறான கருத்துகளை பார்த்து அதிர்ச்சியடைந்து அவமானம் தாங்காமல் தற்கொலை செய்து கொண்டுள்ளார். அந்த வீடியோவை வெளியிட்ட அந்த 4 பெண்களும் எனது மகளின் சாவுக்குக் காரணம் என்று அந்த புகாரில் தெரிவித்துள்ளார்.
எஸ்பி சோனி கூறுகையில், "மாணவியின் தந்தை அளித்த புகாரின் பேரில் வழக்கு பதிவு செய்யப்பட்டுள்ளது. மருத்துவமனையில் அனுமதிக்கப்பட்ட மாணவி சிகிச்சை பலனின்றி உயிரிழந்தார். மாணவியை பிரேத பரிசோதனைக்காக மருத்துவமனைக்கு அனுப்பி வைத்துள்ளனர். விசாரணை நடந்து வருகிறது. மாணவியின் மரணத்திற்கு காரணமானவர்கள் மீது உரிய நடவடிக்கை எடுக்கப்படும்" என்றார்.
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!
பங்குனி உத்திரத்தின் மகத்துவம் தெரிஞ்சுக்கோங்க..!