முதல்வர் விஜய்யுடன் 10 நிமிடங்கள்தான் பேசியிருக்கிறேன்...தேவா சொன்ன சுவாரசிய தகவல்

நடிகரும் தமிழக முதல்வருமான விஜய் குறித்து இசையமைப்பாளர் தேவா பகிர்ந்துள்ள கருத்துகள் கவனம் பெற்றுள்ளன. விஜய்யின் 14 திரைப்படங்களுக்கு இசையமைத்துள்ளதாகக் கூறிய தேவா, அவருடன் பேசிய நேரம் மிகவும் குறைவு என்றும் தெரிவித்துள்ளார்.

இதுகுறித்து தேவா பேசுகையில், விஜய் தனது வேலையில் மட்டுமே கவனம் செலுத்தும் அமைதியான மனிதர் என்று குறிப்பிட்டுள்ளார். மேலும், ‘ரசிகன்’ திரைப்படத்தில் விஜய்க்குப் பாடக் கற்றுக்கொடுத்த நினைவுகளையும் அவர் பகிர்ந்துள்ளார்.

விஜய் தற்போது முதல்வராக உயர்ந்திருப்பது தனக்குப் பெருமையாக இருப்பதாகவும் தேவா நெகிழ்ச்சியுடன் தெரிவித்துள்ளார். விஜய் நடித்த ‘குஷி’, ‘பகவதி’ உள்ளிட்ட படங்களுக்கு தேவா இசையமைத்துள்ளார். விஜய் குறித்த தேவாவின் இந்தக் கருத்துகள் அடங்கிய காணொளி தற்போது வைரலாகி வருகிறது.