தாராபுரம் இடைத்தேர்தல் - செப்.30ல் முதல்வர் விஜய் பிரச்சாரம்!

தாராபுரம் சட்டப்பேரவைத் தொகுதி இடைத்தேர்தலில் போட்டியிடும் தவெக வேட்பாளரை ஆதரித்து, வரும் செப்டம்பர் 30ம் தேதி தமிழ்நாடு முதலமைச்சர் விஜய் தேர்தல் களத்தில் இறங்கி தீவிர வாக்கு சேகரிப்பில் ஈடுபடவுள்ளார். இக்கூட்டத்திற்கான முன்னேற்பாடுகள் தீவிரமாக நடைபெற்று வருவதுடன், பாதுகாப்பு மற்றும் நெரிசலைக் கட்டுப்படுத்தப் புதிய வழிமுறைகளும் வகுக்கப்பட்டுள்ளன.

தாராபுரம் - உடுமலை சாலையில் அமைந்துள்ள மைதானத்தில் சுமார் 10,000 பேர் வரை பங்கேற்கும் வகையில் பிரம்மாண்டமான தேர்தல் பரப்புரை பொதுக்கூட்டத்திற்குத் தேவையான அனைத்து ஏற்பாடுகளும் செய்யப்பட்டுள்ளன.

கடந்த கால நிகழ்வுகளைக் கருத்தில்கொண்டு, கூட்ட நெரிசலை முழுமையாகக் கட்டுப்படுத்தும் நோக்கத்துடன் தாராபுரம் தொகுதி வாக்காளர்களுக்கு மட்டும் பிரத்யேகமாக 'கியூஆர் கோடு' அடங்கிய சிறப்பு அனுமதி அட்டைகள் வழங்க ஏற்பாடுகள் செய்யப்பட்டுள்ளன.

இடைத்தேர்தல் களம் சூடுபிடித்துள்ள நிலையில், முதலமைச்சர் விஜய் நேரடியாகக் களமிறங்கி வாக்கு சேகரிக்க இருப்பது தவெக வேட்பாளரின் வெற்றிக்கான வாய்ப்பை மேலும் வலுப்படுத்தும் என எதிர்பார்க்கப்படுகிறது.