செங்கல்பட்டு - திருச்சி இடையே 6 வழிச்சாலை அவசியம் - பிரதமர் மோடியிடம் முதல்வர் விஜய் கோரிக்கை!

சென்னை ஐஐடி வளாகத்தில் நடைபெற்ற விழாவில் பிரதமர் நரேந்திர மோடி முன்னிலையில் பேசிய தமிழக முதலமைச்சர் விஜய், தமிழகத்தின் போக்குவரத்து உள்கட்டமைப்பை மேம்படுத்தும் வகையில் முக்கிய சாலைத் திட்டங்களை உடனடியாக நிறைவேற்றக் கோரி வேண்டுகோள் விடுத்துள்ளார்.

செங்கல்பட்டு - திருச்சி 6 வழிச்சாலை: அதிகப் போக்குவரத்து உள்ள செங்கல்பட்டு முதல் திருச்சி வரையிலான தேசிய நெடுஞ்சாலையை 6 வழிச்சாலையாக மாற்றும் திட்டத்தை மத்திய அரசு முன்னுரிமை அடிப்படையில் செயல்படுத்தித் தர வேண்டும் என முதல்வர் வலியுறுத்தினார்.

மேலும், திருச்சி பஞ்சப்பூர் - கரூர் மற்றும் கரூர் - கோவை இடையிலான 6 வழிச்சாலைத் திட்டங்களையும், சென்னையில் மாதவரம் - சோழவரம் இடையிலான உயர்மட்டச் சாலை திட்டங்களையும் தாமதமின்றி விரைந்து நிறைவேற்ற வேண்டும் என்றும் அவர் கேட்டுக் கொண்டார்.