முதல்வர் விஜய்யின் வாகனம் மோதி இளைஞர் கால் முறிவு... போலீசார் மிரட்டுவதாகப் பாதிக்கப்பட்டவர் கதறல்!

தமிழக வெற்றிக் கழகத்தின் தலைவரும் முதலமைச்சருமான விஜய் பயணித்த சொகுசு வாகனம் மோதி இளைஞர் ஒருவரின் கால் முறிந்த சம்பவம்   வெளிச்சத்திற்கு வந்துள்ளது. முதலமைச்சர் விஜய் சமீபத்தில் கொல்லூர் மூகாம்பிகை கோயிலுக்குச் சென்றிருந்தபோது, அவரது பாதுகாப்பு வாகன அணிவகுப்பு காரொன்று சாலையோரம் நின்றிருந்த வாலிபரின் மீது மிக பலமாக மோதியுள்ளது. இந்த திடீர் விபத்தின் கோர பிடியில் சிக்கிய அந்த வாலிபரின் இடது கால் எலும்பு முறிந்து சம்பவ இடத்திலேயே அவர் இரத்த வெள்ளத்தில் சரிந்து விழுந்தார்.

விபத்து நடந்தவுடன் அங்கு பாதுகாப்புப் பணியில் இருந்த காவல்துறையினர் அவரை மீட்டு சிகிச்சைக்காக மருத்துவமனைக்கு அனுப்பி வைக்காமல், இந்த விவகாரத்தை வெளியே சொல்லக் கூடாது என அடுக்கடுக்கான மிரட்டல்களை விடுத்துள்ளனர். இதனால் மிகுந்த வேதனையடைந்த இளைஞர்  மருத்துவமனையில் சிகிச்சை பெறும் நிலையில் காவல்துறையினர் தங்களை மிரட்டுவதாக அழுதுகொண்டே வீடியோ ஒன்றை சமூக வலைத்தளங்களில் வெளியிட்டுள்ளார். இந்த நெஞ்சைப் பதறவைக்கும் வீடியோ காட்சிகள்  இணையம் முழுவதும் காட்டுத்தீ போலப் பரவி ஒட்டுமொத்த மக்கள் மத்தியிலும் பெரும் அதிர்ச்சியை ஏற்படுத்தியுள்ளது.

பாதிக்கப்பட்ட இளைஞருக்கு நியாயமான மருத்துவ உதவியும், விபத்தை ஏற்படுத்திய வாகனத்தின் மீது உரிய சட்ட நடவடிக்கையும் எடுக்க வேண்டும் எனப் பொதுமக்கள்   சமூக வலைத்தளங்களில்  கோரிக்கைகளை முன்வைத்து வருகின்றனர். இந்த விவகாரம் அரசியல் வட்டாரத்திலும்  மிகப்பெரிய விவாதப் பொருளாக உருவெடுத்துள்ளதால் அந்தப் பகுதியில் பலத்த பரபரப்பு நிலவி வருகிறது. இச்சம்பவம் குறித்து உயர் அதிகாரிகள் விசாரணை நடத்தி வரும் நிலையில், தவறு செய்தவர்கள் மீது கடுமையான நடவடிக்கை எடுக்கப்படும் எனத்   தெரிவிக்கப்பட்டுள்ளது.