ஸ்ரீபெரும்புதூர், ஒரகடம் தொழிற்பேட்டைகளில் முதலமைச்சர் விஜய் இன்று நேரில் ஆய்வு!

காஞ்சிபுரம் மாவட்டம் ஸ்ரீபெரும்புதூர் மற்றும் ஒரகடம் தொழிற்பேட்டை வளாகங்களில் முதலமைச்சர் விஜய் இன்று (ஆக.3) நேரில் சென்று ஆய்வுப் பணிகளை மேற்கொண்டார். பிரான்ஸ் நாட்டு பன்னாட்டு நிறுவனமான செயிண்ட் கோபைனின் கண்ணாடி உற்பத்தி ஆலை முதல் பல்வேறு கார் தயாரிப்பு நிறுவனங்கள் வரை அவர் பார்வையிட்டார். தொழிற்சாலைகளின் செயல்பாடுகள் மற்றும் அங்கு பணியாற்றும் தொழிலாளர்களின் நிலை குறித்தும் உயர் அதிகாரிகளிடம் அவர் விசாரித்துத் தெரிந்து கொண்டார்.

தொழில் வளர்ச்சியை மேம்படுத்தும் நோக்கில் தமிழக அரசு மேற்கொண்டுவரும் பல்வேறு திட்டங்கள் குறித்துத் தொழிற்சாலை நிர்வாகத்தினருடன் அவர் விரிவாகக் கலந்துரையாடினார். புதிய முதலீடுகளை ஈர்ப்பது மற்றும் வேலைவாய்ப்புகளை உருவாக்குவது தொடர்பாகத் தொழில்துறை அதிகாரிகளுடன் அவர் முக்கிய ஆலோசனைகளையும் நடத்தினார். அரசுப் பணிகளுடன் நேரடித் தொழில் கள ஆய்வுக்கும் முக்கியத்துவம் அளித்து முதல்வர் மேற்கொண்ட இந்த  விஜயம் தொழில்துறை வட்டாரத்தில் பெரும் வரவேற்பைப் பெற்றுள்ளது.

மாநிலத்தின் பொருளாதார வளர்ச்சியை உயர்த்தும் வகையில் உலகத் தரம் வாய்ந்த வசதிகள் தொழிற்பேட்டைகளில் செய்து தரப்படுவதை அவர் நேரில் உறுதிப்படுத்தினார். பாதுகாப்பான பணிச்சூழல் மற்றும் நவீன தொழில்நுட்பங்களைப் பயன்படுத்துவது குறித்து நிறுவனங்களின் பிரதிநிதிகளிடம் அவர் தனது கருத்துக்களைப் பகிர்ந்து கொண்டார். முதலமைச்சரின் இந்த அதிரடியான கள ஆய்வானது தமிழகத்தின் தொழில் துறையில் புதிய எழுச்சியை ஏற்படுத்தும் என்று எதிர்பார்க்கப்படுகிறது.