மாஸ் வீடியோ... விராட் கோஹ்லி தான் பெஸ்ட்! பாகிஸ்தானி ரசிகை அதிரடி!!
ஆசிய கோப்பைக் கிரிக்கெட் தொடர் போட்டிகள் நடைபெற்று வருகின்றன. இந்த தொடரில் முக்கிய போட்டியாக கருதப்பட்ட இந்தியா - பாகிஸ்தான் இடையிலான போட்டி செப்டம்பர் 2ம் தேதி நடைபெற்றது. இந்த போட்டியை காண இந்தியா, பாகிஸ்தான் நாடுகளில் இருந்து ஏராளமான ரசிகர்கள் இலங்கைக்கு படையெடுத்தனர். ஆனால், போட்டி, மழை காரணமாக கைவிடப்பட்டது. போட்டியை நேரில் காண வந்த பாகிஸ்தான் ரசிகை ஒருவர் கடந்த 2 நாட்களாக சமூக வலைதளங்களில் வைரலாகி வருகிறார்.
"Chacha, padosiyon se pyaar karna buri baat toh nahi hai na."
— Parth MN (@parthpunter) September 2, 2023
This Pakistani woman calmly shuts down a man when he taunts her for supporting Virat Kohli.
If an Indian woman had expressed sadness on Babar Azam getting out early, she'd be called an anti-national. pic.twitter.com/O4ZvKtKTAn
இந்தியா மற்றும் பாகிஸ்தான் கொடியை தனது கன்னங்களில் வரைந்துள்ளார். அந்த இளம்பெண், விராட் கோலிக்கு ஆதரவு தெரிவித்து, அவருக்காக போட்டியை காண வந்ததாக பாகிஸ்தானில் இருந்து வந்திருப்பதாக கூறியுள்ளார். இதற்கு அருகில் இருந்த ரசிகர் ஒருவர் அதற்கு ஆட்சேபனை தெரிவித்துள்ளார். அந்த இளம்பெண் உங்களது அக்கம் பக்கத்தில் இருப்பவரை நேசிப்பதில் தவறில்லை என அசராமல் பதிலடி கொடுத்துள்ளார்.
பாகிஸ்தான் கேப்டன் பாபர் அசாமா? இந்தியாவின் விராட் கோலியா? உங்களது ஆதரவு யாருக்கு என அந்த பெண்ணிடம் கேட்டபோது, "விராட் கோஹ்லிதான் எனது பேவரிட் வீரர். அவருக்காக தான் நான் இங்கு வந்துள்ளேன். அவர் சதம் அடிக்காமல் போனது ஏமாற்றம் அளித்தது" எனக் கூறியுள்ளார். அவரின் இந்த பேச்சு சமூக வலைதளங்களில் வைரலாகி வருகிறது.