சுதந்திர தினத்தையொட்டி விமான நிலையத்திற்குள் பார்வையாளர்கள் நுழையத் தடை - பாதுகாப்பு ஏற்பாடுகள் தீவிரம்!

நாட்டின் 80-வது சுதந்திர தின விழாவை முன்னிட்டு, அசம்பாவிதங்களைத் தவிர்க்கும் பொருட்டு கோவை சர்வதேச விமான நிலையத்தில் பாதுகாப்பு நடவடிக்கைகள் பலப்படுத்தப்பட்டுள்ளன.

பாதுகாப்பு முன்னெச்சரிக்கை நடவடிக்கைகளின் ஒரு பகுதியாக, விமானப் பயணிகள் அல்லாத பார்வையாளர்கள் விமான நிலைய வளாகத்திற்குள் நுழையப் பூரண தடை விதிக்கப்பட்டுள்ளது. பார்வையாளர்களுக்காக வழங்கப்படும் நுழைவுச் சீட்டுகள் வழங்குவது உடனடியாக நிறுத்தப்பட்டுள்ளது.

விமான நிலையத்திற்கு வரும் வாகனங்கள் மற்றும் பயணிகளின் உடமைகள் மோப்ப நாய் உதவியுடன் பலத்த சோதனைக்கு உட்படுத்தப்பட்ட பிறகே உள்ளே அனுமதிக்கப்படுகின்றன. ஆகஸ்ட் 15 சுதந்திர தினத்தைக் கருத்தில் கொண்டு, இந்த அத்தியாவசியப் பாதுகாப்பு நடவடிக்கைகள் மேற்கொள்ளப்பட்டுள்ளதாக விமான நிலைய அதிகாரிகள் தெரிவித்துள்ளனர்.