ரூ.1.98 லட்சத்திற்கு கிராபிக்ஸ் கார்டு ஆர்டர் செய்தவருக்கு வாஷிங் பவுடர்... நீதிமன்றம் அதிரடி உத்தரவு!

மேற்கு வங்கத்தில் ஆன்லைன் மூலமாக ரூ.1.98 லட்சம் செலுத்தி கணினி கிராபிக்ஸ் கார்டு ஒன்றை வாடிக்கையாளர் ஒருவர் ஆர்டர் செய்திருந்தார். குறிப்பிட்ட அந்தப் பொருளுக்குப் பதிலாக அவருக்கு வாஷிங் பவுடர் பாக்கெட் டெலிவரி செய்யப்பட்டது பெரும் அதிர்ச்சியை ஏற்படுத்தியது. இதனால் பாதிக்கப்பட்ட வாடிக்கையாளர் நுகர்வோர் ஆணையத்தில் வழக்கு தொடர்ந்தார்.

வழக்கு விசாரணையின் போது நுகர்வோர் ஆணையம் உரிய உத்தரவைப் பிறப்பித்தது. பாதிக்கப்பட்ட நபருக்கு ஏற்பட்ட மன உளைச்சலுக்கு ஈடு செய்வதாகவும், வழக்கு செலவுக்காகவும் நிறுவனம் இழப்பீடு வழங்க வேண்டும் என்று ஆணையம் தீர்ப்பளித்தது. ஆன்லைன் ஷாப்பிங் மோசடிகள் மற்றும் இது போன்ற முறைகேடுகளால் நுகர்வோர் பாதிக்கப்படுவதைத் தடுக்க கடுமையான நடவடிக்கைகள் தேவை என்பதை இந்தச் சம்பவம் வெளிச்சம் போட்டுக் காட்டியுள்ளது.